ACP Court: చంద్రబాబు తరఫున వాదనలు వినిపించడానికి ఇద్దరికి మాత్రమే అవకాశం

విజయవాడ: టీడీపీ అధినేత (TDP Chief), మాజీ సీఎం చంద్రబాబు నాయుడు (Ex CM Chandrababu Naidu) తరఫున వాదనలు పినిపించడానికి ముగ్గురికి అవకాశం కల్పించాలని విజ్ఞప్తి చేశారు. అయితే ఇద్దరికి మాత్రమే ఏసీబీ కోర్టు (ACB Court) జస్టిస్ హిమ బిందు (Justice Hima Bindu) అవకాశం ఇచ్చారు. దీంతో సిద్ధార్థ లూధ్రా (Siddhartha Ludra), పోసాని వెంకటేశ్వరరావు (Posani Venkateswara Rao) పేర్లు చెప్పగా న్యాయమూర్తి అనుమతి ఇచ్చారు. ఇంతమంది లాయర్‌లు ఇక్కడ ఎందుకు వున్నారని జడ్జి ప్రశ్నించారు. స్వచ్ఛందంగా వెళ్లిపోవాలని సూచించారు. 15 మందికి మాత్రమే అవకాశం ఉందని చెప్పారు.

కాగా 409 సెక్షన్ (409 Section) కింద వాదనలు జరుగుతున్నాయి. దీనిపై ప్రముఖ న్యాయవాది సిద్ధార్థ లూధ్రా మాట్లాడుతూ.. అసలు ఈ సెక్షన్ ఈ కేసులో పెట్టడం సబబు కాదని అన్నారు. 409 పెట్టాలి అంటే ముందు సరైన సాక్ష్యం చూపాలన్నారు. రిమాండ్ రిపోర్ట్ తిరస్కరించాలని కోరుతూ ఆయన ఈ మేరకు నోటీసు ఇచ్చారు. తిరస్కరణపై వాదనలకు న్యాయమూర్తి అవకాశం కల్పించారు. ముందుగా రిమాండ్ రిపోర్ట్ తిరస్కరణ చేయాలని కోరుతూ సిద్ధార్థ లూధ్రా వాదనలు వినిపిస్తున్నారు.