Botsa: డ్యాన్స్ ప్రోగ్రామ్‌లో పవన్ డైలాగ్స్... షాక్‌ అయిన మంత్రి బొత్స

విజయవాడ: నగరంలోని ఆంధ్రా లయోలా కాలేజ్ (Andhra Loyola College) సైన్స్ ఫెయిర్‌లో మంత్రి బొత్స సత్యనారాయణ (Minister Botsa Satyanarayana)కు పవన్ కళ్యాణ్ (Pawan Kalyan) డైలాగ్ షాక్ ఇచ్చింది. గబ్బర్‌సింగ్ సినిమా (Gabbarsingh movie) ఇంటర్‌వెల్ బ్యాంగ్‌లో వచ్చే డైలాగ్‌కు విద్యార్థినిలు డ్యాన్స్ చేశారు. పాట మధ్యలో ‘‘అప్పుడే అయిపోయింది అనుకోవద్దు.. ఇప్పుడే మొదలైంది’’... అంటూ విద్యార్థిని (Students)లు రీమిక్స్ డైలాగ్ కొట్టారు. ఇది చూసి మంత్రి బొత్స (AP Minister), వైసీపీ నేతలు (YCP Leaders)షాక్ అయ్యారు. దీంతో నిర్వాహకులు వెంటనే పాటకు వేస్తున్న డ్యాన్స్‌ను మధ్యలో నిలిపివేసి విద్యార్థినిలను కిందకు పంపించి వేశారు. ఇంతలో ఇప్పుడే మొదలైంది అనగానే పాట ఆగిపోయిందని, డ్యాన్స్ ఆగిపోయింది అంటూ నిర్వాహకులు కవర్ చేసే ప్రయత్నం చేశారు. అయితే పాటను మధ్యలో నిలిపేయడంతో డ్యాన్స్ చేస్తున్న విద్యార్థినిలు నిరుత్సాహానికి గురయ్యారు.

రోజాకూ ఇదే పరిస్థితి...

ఇటీవలే మంత్రి రోజా (Minister Roja) కు పవన్ అభిమానులు (Pawan Fans) షాక్‌ ఇచ్చిన సంగతి తెలిసిందే. విజయవాడ బందర్‌ రోడ్డులో ఓ షాపింగ్ మాల్ ప్రారంభోత్సవానికి మంత్రి రోజా వెళ్లిన సమయంలో సీఎం పవన్ అంటూ పవన్ అభిమానులు నినాదాలు చేశారు. షాపింగ్ మాల్ వద్ద మంత్రి రోజా కారు దిగిన వెంటనే జనసేన అధినేత పవన్ కళ్యాణ్ (Janasena Chief Pawan Kalyan) అభిమానులు ‘‘ జై జై బాబు పవన్ బాబు’’ అంటూ కోలాహలం చేశారు. సీఎం కళ్యాణ్ అంటూ నినాదాలు చేశారు. బాబులకే బాబు కళ్యాణ్ బాబు అంటూ అభిమానులు చేసిన సందడికి మంత్రి రోజాకు మొహం మాడిపోయింది. అభిమానుల వంక కూడా చూడకుండా.. మొహం తిప్పుకుని రోజా షాపింగ్ మాల్ లోపలికి వెళ్లిపోయారు. అయితే రోజాకు పెద్ద అవమానమే జరిగిదంటూ స్థానికులు చర్చించుకుంటున్నారు. పవన్‌పై రోజా ఇటీవల కాలంలో చేసిన వ్యాఖ్యల పట్ల అభిమానులు, ప్రజల్లో ఆమె పట్ల విపరీతమైన వ్యతిరేకత వచ్చింది. ఈ క్రమంలో షాపింగ్‌ మాల్‌కు వచ్చిన రోజాకు పవన్ అభిమానులు పెద్ద షాక్ ఇచ్చినట్లైంది.