TDP Chandrababu: సీఎం జగన్‌కు ట్విటర్‌లో చంద్రబాబు సూటి ప్రశ్న.. సమాధానం చెబుతారో లేదో..

అమరావతి: కెన్ యూ ఆన్సర్ మిస్టర్ జగన్? అంటూ కియా పరిశ్రమపై టీడీపీ అధినేత చంద్రబాబు నాయుడు (TDP Chief Chandrababu Naidu) ట్వీట్ చేశారు. కియాపై(KIA Industry) జగన్ (AP CM Jagan Mohan Reddy) నాటి వ్యాఖ్యలు, లోకేష్ సెల్ఫీ ఛాలెంజ్‌ (Lokesh Selfie Challenge)ను ప్రస్తావిస్తూ వీడియోలతో ట్వీట్‌లో పొందుపరిచారు. అధికారంలోకి వచ్చిన తర్వాత కియాను తరిమేస్తానంటూ జగన్ చేసిన వ్యాఖ్యలను నిన్నటి యువగళంలో యువనేత లోకేష్ (TDP Leader Nara lokesh) ప్రస్తావించారు. దీంతో జగన్ వ్యాఖ్యలను ప్రస్తావిస్తూ కెన్‌ యూ ఆన్సర్ మిస్టర్ జగన్ అంటూ చంద్రబాబు ప్రస్తావించారు. చంద్రబాబు చేసిన ట్వీట్ ప్రస్తుతం హాట్‌ టాపిక్‌గా మారింది.

కాగా.. 55వ రోజు యువగళం పాదయాత్రలో భాగంగా నిన్న టీడీపీ యువనేత లోకేష్.. కియా పరిశ్రమ ముందు సెల్ఫీ ఛాలెంజ్ చేశారు. గతంలో ప్రతిపక్ష నేతగా ఉన్న సమయంలో జగన్.. కియా పరిశ్రమ ప్రాంతానికి వచ్చి భూములిచ్చిన రైతులకు న్యాయం చేయాలని.. ఎక్కువ ధర ఇవ్వాలని రెచ్చగొట్టే వ్యాఖ్యలు చేశారు. అంతేకాకుండా తాను అధికారంలోకి వచ్చాక కియా పరిశ్రమను తరిమేస్తామంటూ వ్యాఖ్యలు చేశారు. దానికి సంబంధించిన వీడియోను చంద్రబాబు ట్విట్టర్‌‌లో పోస్టు చేశారు. అలాగే నిన్న కియా పరిశ్రమ వద్దకు వెళ్లి లోకేష్.. అప్పటి పరిశ్రమలశాఖ మంత్రి అమరనాథ్ రెడ్డితో కలిసి సెల్ఫీ చాలెంజ్ విసిరారు. ఇప్పుడు కియా నిజామా కాదా? ఎలా తరిమేస్తావంటూ లోకేష్ చేసిన ఛాలెంజ్‌‌ను టీడీపీ అధినేత ట్విట్టర్‌లో పోస్ట్ చేశారు. జగన్ నాటి వ్యాఖ్యలు, లోకేష్ ఛాలెంజ్ రెండింటినీ వీడియో రూపంలో ప్రస్తావిస్తూ కెన్‌ యూ ఆన్సర్ మిస్టర్ జగన్ అంటూ చంద్రబాబు ట్వీట్ చేశారు. ప్రస్తుతం చంద్రబాబు ట్వీట్ సోషల్ మీడియాలో వైరల్ మారింది.