Minister Kakani: బాలకృష్ణ రీల్ హీరో.. జగన్ రియల్ హీరో

అమరావతి: టీడీపీ అధినేత చంద్రబాబు (TDP Chief Chandrababu Naidu) రూ.370 కోట్లు దోచుకుని అడ్డంగా దొరికిపోయారని మంత్రి కాకాణి గోవర్ధన్ రెడ్డి (Minister Kakani Goverdhan Reddy)వ్యాఖ్యలు చేశారు. శుక్రవారం అసెంబ్లీ మీడియా పాయింట్ వద్ద మాట్లాడుతూ.. 14 ఏళ్లు సీఎంగా చేశారు కాబట్టి చంద్రబాబు దోచుకోవడానికి అర్హుడు అనేలా టీడీపీ నేతలు వ్యవహరిస్తున్నారన్నారు. సభలో చర్చ జరగకుండా టీడీపీ నేతలు ఎందుకు పారిపోతున్నారని ప్రశ్నించారు. బాలకృష్ణ (MLA Balakrishna) రీల్ హీరో అని.. జగన్ మోహన్ రెడ్డి (AP CM Jaganmohan Reddy) రియల్ హీరో అని అన్నారు. రీల్ హీరోలు సభలో తొడలు కొడితే రియల్ హీరోలు అయిపోరని వ్యాఖ్యలు చేశారు. అనుచితమైన ప్రవర్తనతో వ్యవహరించేవారు అసలు నటుడే కాదన్నారు. దేవాలయం వంటి అసెంబ్లీలో తాను చేసిన పనికి ఒక కళాకారుడిగా బాలకృష్ణ సిగ్గుపడాలని మండిపడ్డారు. ‘‘మీరు నీతిమంతులైతే...దమ్ము ధైర్యం ఉంటే రండి చర్చిద్దాం. చంద్రబాబు దోపిడీ పై వివరింగా చర్చిద్దాం. మా ప్రశ్నలకు సమాధానం చెప్పండి’’ అంటూ టీడీపీ నేతలకు మంత్రి కాకాణి గోవర్ధన్ సవాల్ విసిరారు.