Somireddy: చంద్రబాబుపై భారీ కుట్ర జరుగుతోంది

నెల్లూరు: తెలుగుదేశం అధినేత (TDP Chief) చంద్రబాబు (Chandrababu) బయట ఉంటే ఎన్నికలు ఫేస్ చేయలేమనే భయం సీఎం జగన్‌ (CM Jagan)కు పట్టుకుందని టీడీపీ సీనియర్ నేత (TDP Leder), మాజీ మంత్రి సోమిరెడ్డి చంద్రమోహన్ రెడ్డి (Somireddy Chandramohan Reddy) అన్నారు. ఈ సందర్భంగా శుక్రవారం ఆయన నెల్లూరులో మీడియాతో మాట్లాడుతూ చంద్రబాబుపై భారీ కుట్ర జరుగుతోందని, అందువల్లే సీఐడీ (CID) రూడీగా వ్యవహారించిందన్నారు. బాబును అరెస్ట్ చేశాక ఎఫ్ఐఆర్ (FIR) ఫైల్ చేశారన్నారు. స్కిన్ ప్రాబ్లం (Skin Problem) ఉందని తెలిసీ కూడా వేడినీళ్లు ఇవ్వడం లేదని, ఆయన ఆరోగ్యంగా ఉండకూడదనే ఇవన్నీ చేస్తున్నారని ఆరోపించారు. ఏపీలో ఎవరికీ రక్షణ లేదని, ఎమ్మెల్సీ తన డ్రైవర్‌ని హత్యచేస్తే బెయిల్‌పై సీఎం జగన్ వెనుక తిరుగుతున్నాడని, బాబాయ్ వివేకను మర్డర్ చేసిన వారిని ఇంతవరకు అరెస్టు చేయలేదని, అదే కోడికత్తి శ్రీనుకి నాలుగున్నరేళ్లుగా నో బెయిల్ అని, ఏపీలో ఏం జరిగినా ఆశ్చర్యపోవాల్సిన అవసరం లేదని సోమిరెడ్డి పేర్కొన్నారు.