YuvaGalam: 172వ రోజు లోకేశ్ యువగళం పాదయాత్ర ప్రారంభం.. కాసేపట్లో గుంటూరులోకి ఎంట్రీ

ఉమ్మడి ప్రకాశం జిల్లా: టీడీపీ యువనేత నారా లోకేశ్ (TDP Leader Nara lokesh) యువగళం పాదయాత్ర (YuvaGalam Padayatra) విజయవంతంగా కొనసాగుతోంది. ప్రస్తుతం ఉమ్మడి ప్రకాశం జిల్లాలో లోకేశ్ పాదయాత్ర సాగుతోంది. మంగళవారం ఉదయం దర్శి నియోజకవర్గం కెలంపల్లి శివారు క్యాంప్ సైట్ నుంచి 172వ రోజు యువగళం పాదయాత్రను లోకేశ్ ప్రారంభించారు. ఈ రోజు ఉమ్మడి ప్రకాశం జిల్లాలో టీడీపీ నేత పాదయాత్ర పూర్తికానుంది. మరికాసేపట్లో ఉమ్మడి గుంటూరు జిల్లాలోకి యువగళం పాదయాత్ర ప్రవేశించనుంది. వినుకొండ నియోజకవర్గంలోకి లోకేశ్ పాదయాత్ర ప్రవేశించనుంది. నేటితో ఉమ్మడి ప్రకాశం జిల్లాలో పాదయాత్ర ముగియనున్న నేపథ్యంలో లోకే‌శ్‌కు వీడ్కోలు పలికేందుకు ఉమ్మడి ప్రకాశం జిల్లా ముఖ్య నాయకులు, కార్యకర్తలు పెద్ద ఎత్తున తరలివచ్చారు.

నేటి పాదయాత్ర షెడ్యూల్ వివరాలు...

ఉదయం :

• 8:00 - కెలంపల్లి శివారు క్యాంప్ సైట్ నుంచి పాదయాత్ర ప్రారంభం.

• 8:20 - కెలంపల్లిలో స్థానికులతో మాటామంతీ.

• 8:35 – పాదయాత్ర వినుకొండ అసెంబ్లీ నియోజకవర్గంలోకి ప్రవేశం.

• 8:55 – ముప్పరాజువారిపాలెంలో స్థానికులతో సమావేశం.

• 10:10 – రాముడుపాలెంలో స్థానికులతో సమావేశం.

• 11:10 – పుచ్చనూతల జెసి నగర్ లో స్థానికులతో సమావేశం.

• 11:40 – రవ్వవరంలో స్థానికులతో సమావేశం.

• 12:10 – పుచ్చనూతలలో భోజన విరామం.

• 1:00 – పుచ్చనూతలలో బిసి సామాజికవర్గీయులతో ముఖాముఖి.

సాయంత్రం

• 4:00 – పుచ్చనూతలనుంచి పాదయాత్ర కొనసాగింపు.

• 4:20 – కొత్తరెడ్డిపాలెంలో స్థానికులతో సమావేశం.

• 4:40 – లక్ష్మీపురంలో స్థానికులతో సమావేశం.

• 5:40 – నూజండ్లలో స్థానికులతో సమావేశం.

• 7:10 – గుర్రపునాయుడుపాలెంలో రైతులతో సమావేశం.

• 7:30 – గుర్రపునాయుడుపాలెం శివారు విడిది కేంద్రంలో బస.