Somu Veerraju : చంద్రబాబు, పవన్ భేటీపై సోము వీర్రాజు ఆసక్తికర కామెంట్స్

అమరావతి : టీడీపీ అధినేత చంద్రబాబు, జనసేన అధినేత పవన్ కల్యాణ్ భేటీపై బీజేపీ రాష్ట్ర అధ్యక్షుడు సోము వీర్రాజు ఆసక్తికర కామెంట్స్ చేశారు. రాజకీయాలలో భేటీలు జరుగుతూ ఉంటాయని దానిపై తాను కామెంట్ చెయ్యబోనన్నారు. నిన్న భేటీలో వాళ్ళు ఏమి మాట్లాడుకున్నారో తన దగ్గర సమాచారం లేదన్నారు. వాళ్ళని వదిలేసి తనను ఎందుకు అడుగుతున్నారని సోము వీర్రాజు ప్రశ్నించారు. పొత్తుల అంశంపై నాదెండ్ల మనోహర్‌ని అడగాలని సూచించారు. ఒకప్పుడు తిట్టిన చంద్రబాబు ఇప్పుడు ప్రధానిని పొగుడుతున్నారని.. అది చాలా సంతోషం కలిగించిందన్నారు. జరగని విషయాలను తనతో చెప్పించాలని చూడొద్దన్నారు. తాము ఈ ప్రభుత్వంపై ఉద్యమం చేస్తున్నామని సోము వీర్రాజు తెలిపారు.