Atchannaidu: బాబును అరెస్టు చేసి.. జగన్ భయపడడం సిగ్గుచేటు

అమరావతి: తెలుగుదేశం పార్ట అధినేత (TDP Chief), మాజీ సీఎం చంద్రబాబు నాయుడు (Ex CM Chandrababu Naidu)ని అరెస్ట్ (Arrest) చేసి జగన్ రెడ్డి (Jagan Reddy) భయపడడం సిగ్గుచేటని.. చంద్రబాబుకు దేశ వ్యాప్తంగా వస్తున్న మద్దతు చూసి జగన్ రెడ్డి వెన్నులో వణుకు మొదలయిందని టీడీపీ రాష్ట్ర అధ్యక్షుడు అచ్చెన్నాయుడు (Atchannaidu) అన్నారు. ఈ సందర్భంగా ఆదివారం ఆయన అమరావతిలో మీడియాతో మాట్లాడుతూ ఆ భయంతోనే ఐటి ఉద్యోగుల (IT Employees) కార్ల ర్యాలీ (Car Rally)ని అడ్డుకున్నారని.. రాజకీయాల్లో జగన్ లాంటి పిరికిపందను ఇంతవరకు చూడలేదన్నారు. కార్ల ర్యాలీని అడ్డుకోవడానికి పోలీసులతో సామాన్య ప్రజల్ని ఇబ్బందులు పెడతారా? అని ప్రశ్నించారు. రాక్షసులకు రాక్షసత్వం నేర్పింది కూడా జగనే అన్న విధంగా పాలన సాగిస్తున్నారని తీవ్రస్థాయిలో మండిపడ్డారు. అసూయతో రగిలి పోయేవారు ఏమి చేయలేరని, ఇప్పుడు అధికార బలంతో ర్యాలీని అడ్డుకోవచ్చు ఏమో కానీ వచ్చే ఎన్నికల్లో టీడీపీ ప్రభoజనం అడ్డుకోవడం జగన్ తాత వల్ల కూడా కాదని అచ్చెన్నాయుడు అన్నారు.