Chandrababu Arrest: టెక్కలిలో కొనసాగుతున్న బంద్.. దొరికిన వారు దొరికిట్లు టీడీపీ నేతల అరెస్ట్

శ్రీకాకుళం: టీడీపీ అధినేత చంద్రబాబు నాయుడు (TDP Chief Chandrababu Naidu) అరెస్ట్‌కు నిరసనగా రాష్ట్ర వ్యాప్తంగా టీడీపీ తమ్ముళ్ల ఆందోళనలు కొనసాగుతున్నాయి. శ్రీకాకుళం జిల్లా టెక్కలిలో బంద్ కొనసాగుతోంది. టెక్కలిలో హైవేపై టీడీపీ నేతలు బైఠాయించి నిరసనకు దిగారు. జాతీయ రహదారి ఎన్.హెచ్ 16పై టీడీపీ నేతలు బైఠాయించారు. తెలుగుదేశం నేతల ఆందోళనతో హైవేపై వామనాలు నిలిచిపోయాయి. ఇదేమి రాజ్యం - ఇదేమి రాజ్యం దొంగల రాజ్యం దోపిడి రాజ్యం అంటూ టీడీపీ శ్రేణులు నినాదాలు చేశారు. టెక్కలి పోలీసు పహారాలోకి వెళ్లిపోయింది. ఇప్పటికే పలువురు నాయకులను గృహ నిర్బంధం చేశారు. దొరికిన వారిని దొరికినట్లు పోలీసులు అరెస్ట్ చేస్తున్నారు.

అటు చిలకాపాలెం జాతీయ రహదారిపై నిరసన చేస్తున్న టీడీపీ కార్యకర్తలను అరెస్ట్ చేశారు. మాజీ ఎమ్మెల్యేలు భగ్గు రమణమూర్తి, కలమట వెంకటరమణను హౌస్ అరెస్ట్ చేశారు. టీడీపీ నేతల ఇళ్ల వద్ద పొలీస్ బందోబస్తు నిర్వహించారు. జిల్లాలో పాఠశాలలకు ప్రైవేటు యాజమాన్యాలు సెలవులు ప్రకటించారు. శ్రీకాకుళం మాజీ ఎమ్మెల్యే గుండ లక్ష్మీదేవిని పోలీసులు హౌస్ అరెస్ట్ చేశారు.