TDP: పండగపూటా పచ్చడి మెతుకులేనా?.. ఏపీ ఉద్యోగులకు జీతాలపై అచ్చెన్న వ్యాఖ్యలు

అమరావతి: గురుపూజోత్సవం రోజున కూడా పండితులకు జీతాలు వేయకుండా పండగ పూట కూడా పచ్చడి మెతుకులేనా? అంటూ వైసీపీ సర్కార్‌పై (YCP Government) ఏపీ టీడీపీ అధ్యక్షుడు కింజరాపు అచ్చెన్నాయుడు (TDP Leader Atchannaidu) తీవ్ర వ్యాఖ్యలు చేశారు. ఉపాధ్యాయులచే మద్యాన్ని అమ్మించిన నీచ చరిత్ర జగన్ రెడ్డిది అంటూ మండిపడ్డారు. సీపీయస్ ఉద్యమం చేశారని గురువులపై లాఠీ చార్జ్ చేయించారని, బైడోవర్ కేసులు, బాండ్లు వంటివి పెట్టారన్నారు. ప్రతీ ఏటా డీఎస్సీ నిర్వహిస్తామని హామీని ఒక్క డీఎస్సీ నెరవేర్చలేదని విమర్శించారు. ఉపాధ్యాయ పోస్టులు పెంచమని రూ.1,882 కోట్లు ప్రపంచ బ్యాంక్ నుంచి అప్పు తెచ్చుకున్నారన్నారు. బైజూస్, సీబీఎస్‌ఈ, టోఫెల్ అంటూ ముందస్తు చర్యలు లేకుండా అమలు చేస్తూ పాఠశాల విద్యను ప్రయోగశాలగా మార్చేశారని అచ్చెన్నాయుడు విరుచుపడ్డారు.