MLA Ganta: బోగస్ ఓట్ల చేర్పులు.. 175 అసెంబ్లీ స్ధానాల్లో ఉన్నాయి
ABN , First Publish Date - 2023-09-08T14:02:22+05:30 IST
విశాఖ: ఉత్తర నియోజక వర్గంలో దొంగ ఓట్లు నమోదుపై ఎమ్మెల్యే గంటా శ్రీనివాసరావు స్పందించారు. ఈ సందర్బంగా శుక్రవారం ఆయన విశాఖలో మీడియాతో మాట్లాడుతూ బోగస్ ఓట్ల చేర్పులు ఒక్క ఉత్తర నియోజకవర్గంలోనే కాదని.. 175 అసెంబ్లీ స్ధానాల్లో ఉన్నాయన్నారు.
విశాఖ: ఉత్తర నియోజక వర్గంలో దొంగ ఓట్లు (Stolen Votes) నమోదుపై ఎమ్మెల్యే గంటా శ్రీనివాసరావు (MLA Ganta Srinivasarao) స్పందించారు. ఈ సందర్బంగా శుక్రవారం ఆయన విశాఖలో మీడియాతో మాట్లాడుతూ బోగస్ ఓట్ల చేర్పులు ఒక్క ఉత్తర నియోజకవర్గంలోనే కాదని.. 175 అసెంబ్లీ స్ధానాల్లో ఉన్నాయన్నారు. టీడీపీ అధినేత చంద్రబాబు నాయుడు (Chandrababu Naidu) ఇదే అంశంపై ఢిల్లీ వెళ్లి ఎలక్షన్ కమిషన్‌ (EC)కు ఫిర్యాదు చేశారని.. ఫలితంగానే ఇంటింటి సర్వే (Household Survey) జరుగుతోందన్నారు. ఉత్తర నియోజకవర్గంలోని దాదాపు అన్ని వార్డుల్లో బోగస్ ఓట్లు ఉన్నట్లు ప్రాధమికంగా తేలిందని, దీనిపై దర్యాప్తు చేయాలని ఎమ్మెల్యే డిమాండ్ చేశారు.
బోగస్ ఓట్ల తొలగింపులో అధికారులు అలసత్వంగా ఉంటే చర్యలు తీసుకోవాలని, వచ్చే ఎన్నికల్లో ఎలాగూ గెలవలేమనే ఉద్దేశంతోనే వైసీపీ (YCP) అవకతవకలకు పాల్పడుతోందని గంటా శ్రీనివాసరావు విమర్శించారు. ఒక్కో డోర్ నెంబర్‌పై గరిష్టంగా 200 ఓట్లు ఉన్నాయంటే అక్రమాలు ఏ స్ధాయిలో జరుగుతున్నాయో అర్ధం చేసుకోవచ్చన్నారు. ఏపీలో విధ్వంసం తప్ప అభివృద్ది లేదన్నారు. పథకాల అమలులో 98.5 అమలు చేయడం కాదని.. 98.5 శాతం జగన్ ప్రభుత్వం (Jagan Govt.) విఫలమైందన్నారు.
