Ganta srinivasa rao: టీడీపీ మేనిఫెస్టోతో వైసీపీలో వణుకు

విశాఖ: టీడీపీ మినీ మేనిఫెస్టోతో వైసీపీలో వణుకు పుట్టిందని టీడీపీ ఎమ్మెల్యే గంటా శ్రీనివాసరావు (ganta srinivasa rao) అన్నారు. విశాఖలో ఆయన మాట్లాడారు. ‘‘విశాఖను అరాచకాలకు, భూ మాఫియాలకు, కిడ్నాప్‌లకు అడ్డాకు మారింది. రాష్ట్రంలో శాంతి భద్రతలు పూర్తిగా క్షీణించాయి. ఎంపీ కుటుంబ సభ్యులు కిడ్నాప్ అయ్యారంటే పరిస్థితి ఎలా ఉందో అర్థం చేసుకోవచ్చు. ఎన్నారైలు విశాఖ రావాలంటే భయపడుతున్నారు. జగన్ (CM JAGAN) హయాంలో ప్రజల ధన, మాన ప్రాణాలకు రక్షణ లేదు. అందుకే ప్రజలందరికీ గన్ లైసెన్స్ ఇచ్చేయండి. సంక్షేమ కార్యక్రమాలకు టీడీపీ వ్యతిరేకం కాదు. చంద్రబాబుకు (Chandrababu) సంపద సృష్టించడం వచ్చు.. కానీ జగన్‌కి అది చేతకాదు. అందుకే ఆస్తులు అమ్మి సంక్షేమ కార్యక్రమాలు జగన్ అమలు చేస్తున్నారు.’’ అని గంటా తెలిపారు.