MLC Vamsikrishn: వైసీపీ ఎమ్మెల్సీ వంశీకృష్ణ వైసీపీని వీడనున్నారా..?

విశాఖపట్నం: వైసీపీ ( YCP ) ఎమ్మెల్సీ వంశీకృష్ణ ( MLC Vamsikrishna ) పార్టీ మారే అవకాశం ఉన్నట్లు తెలుస్తోంది. త్వరలోనే జనసేన పార్టీలో చేరతారని ప్రచారం జరుగుతోంది. ఎమ్మెల్సీ వంశీకృష్ణను బుజ్జగించేందుకు విశాఖపట్నం నగర పార్టీ అధ్యక్షుడు కోలా గురువులు రంగంలోకి దిగారు. నగర పార్టీ అధ్యక్షుడు కోలా గురువులు ప్రయత్నాలు విఫలం అయినటట్లు తెలుస్తోంది. వెనక్కి తగ్గేది లేదని ఎమ్మెల్సీ వంశీకృష్ణ తెలిపారు. ఒకటి రెండు రోజుల్లో జనసేన అధినేత పవన్‌కల్యాణ్‌ని కలిసి ఆయన సమక్షంలోనే పార్టీలో ఎమ్మెల్సీ వంశీకృష్ణ చేరే అవకాశం ఉన్నట్లు తెలుస్తోంది. ఇప్పటికే పార్టీకి రాజీనామా చేస్తానని సోషల్ మీడియాలో ఎమ్మెల్సీ వంశీకృష్ణ ఆడియో హల్‌చల్‌ అయింది. పార్టీ మారే ఆలోచనలో మరికొంతమంది వైసీపీ కార్పొరేటర్లు ఉన్నట్లు ప్రచారం జరుగుతోంది.