YuvaGalam: 200వ రోజు లోకేశ్ పాదయాత్ర ప్రారంభం.. పాల్గొన్న నారా, నందమూరి కుటుంబసభ్యులు

పశ్చిమ గోదావరి: టీడీపీ ప్రధానకార్యదర్శి నారా లోకేశ్ (TDP Leader Nara lokesh) యువగళం పాదయాత్ర(YuvaGalam Padayatra) 200 రోజులకు చేరుకుంది. ఉమ్మడి పశ్చిమగోదావరి జిల్లా జంగారెడ్డిగూడెం శివారు దండమూడి కళ్యాణ మండపం నుంచి 200వ రోజు యువగళం పాదయాత్రను యువనేత ప్రారంభించారు. పాదయాత్ర 200 రోజులు పూర్తి చేసుకున్న సందర్భంగా సంఘీభావంగా పాదయాత్రలో నారా భువనేశ్వరి, నందమూరి, నారా కుటుంబ సభ్యులు పాల్గొన్నారు. ఈ రోజు 2700 కిలోమీటర్ల మైలురాయిని యువగళం పాదయాత్ర చేరుకోనుంది. 200 రోజుల పాదయాత్ర పూర్తి చేసుకున్న సందర్భంగా కొయ్యలగూడెంలో గిరిజనులతో ముఖాముఖి సమావేశంలో లోకేవ్ పాల్గొననున్నారు. గిరిజనుల సమస్యలు తెలుసుకొని వారికి భరోసా ఇవ్వనున్నారు. 200 రోజుల పాదయాత్ర సందర్భంగా లోకే‌శ్‌కు శుభాకాంక్షలు తెలపడానికి పెద్ద ఎత్తున నాయకులు, పోలవరం, చింతలపూడి నియోజకవర్గాల ప్రజలు పాదయాత్ర జరిగే ప్రాంతానికి చేరుకున్నారు.