Job Cuts: మెటా సంచలన నిర్ణయం...ఫేస్‌బుక్, ఇన్‌స్టాగ్రాంలలో మళ్లీ ఉద్యోగాల కోతలు

వాషింగ్టన్ : ఫేస్‌బుక్ పేరెంట్ కంపెనీ అయిన మెటా బుధవారం సంచలన నిర్ణయం తీసుకుంది.(Job Cuts) ఫేస్‌బుక్, ఇన్‌స్టాగ్రాంలలో(Facebook,Instagram) మళ్లీ ఉద్యోగాల కోతలు విధించాలని మెటా బుధవారం నిర్ణయించింది. కంపెనీలో టీంల పునర్ వ్యవస్థీకరణ కోసం మరిన్ని ఉద్యోగాల కోతలు తప్పవని మెటా తాజాగా ప్రకటించింది.(Meta to Reveal fresh round of Job Cuts) తమ కంపెనీలోని టెక్నికల్ ఉద్యోగుల బృందాన్ని తగ్గించేందుకు ఉద్యోగాల కోతలు విధిస్తున్నామని మెటా హెచ్ ఆర్ అధిపతి లోరి గోలెర్ ప్రకటించారు. ఫేస్‌బుక్, ఇన్‌స్టాగ్రాం, వాట్సాప్, మెసెంజర్, వర్చువల్ రియాలిటీ ల్యాబ్స్ లలో పనిచేస్తున్న ఉద్యోగుల్లో కొత్తగా ఉద్యోగాల కోతలు ఉంటాయని గోలెర్ చెప్పారు. మెటా అభివృద్ధికి పాటుపడిన కొందరు ఉద్యోగులను కూడా తొలగించక తప్పడం లేదని హెచ్ఆర్ అధిపతి చెప్పారు.