Ola: మరో 200 మంది ఉద్యోగులకు షాకిచ్చిన ఓలా

బెంగళూరు: సిబ్బంది తొలగింపు (Lay offs) ప్రక్రియలో భాగంగా ఎలక్ట్రిక్ వాహనాల తయారీదారు, క్యాబ్ సర్వీసుల కంపెనీ ‘ఓలా’ (Ola) తాజాగా మరో 200 మంది ఉద్యోగులపై వేటువేసింది. టెక్నాలజీ, ప్రొడక్ట్ టీమ్‌ నుంచి వీరిని తొలగిస్తున్నట్టు వెల్లడించింది. కంపెనీ పునర్నిర్మాణంలో భాగంగా ఈ కసరత్తు చేపట్టినట్టు ఓలా వివరించింది. కాగా 2022లో మొత్తం 1100 మంది ఉద్యోగులకు ఉద్వాసన పలికిన కంపెనీ తాజా మరో దఫా తొలగింపులను ప్రవేశపెట్టినట్టయ్యింది. గతేడాది తొలగింపుల్లో ఓలా క్యాబ్స్, ఓలా ఎలక్ట్రిక్, ఓలా ఫైనాన్సియల్ సర్వీసెస్‌లో పనిచేసిన ఉద్యోగులకు ఈ పరిస్థితి ఎదురైంది. ఇక తాజా తొలగింపులు ఈ వారమే మొదలయ్యాయని ‘ఐఎన్‌సీ42’ (Inc42) రిపోర్ట్ పేర్కొంది. భవిష్ అగర్వాల్ (Bhavish Agarwal) సారధ్యంలోని ఓలా కంపెనీ (Ola Company) గడిచిన 7 నెలల్లో వెయ్యిమందికిపైగా ఉద్యోగులను తొలగించిందని ప్రస్తావించింది. ఈ విషయాన్ని ఓలా ప్రతినిధి ఒకరు నిర్ధారించారు.