Stalin: ధోనీపై స్టాలిన్ ప్రశంసల వర్షం

చెన్నై: తమిళనాడు (Tamil Nadu) ముఖ్యమంత్రి ఎంకే స్టాలిన్ (Tamil Nadu CM MK Stalin) చెన్నై సూపర్ కింగ్స్ టీమ్ (CSK) కెప్టెన్ ఎమ్ఎస్ ధోనీపై (MS Dhoni) ప్రశంసల వర్షం కురిపించారు. తమిళనాడు ఛాంపియన్స్ ఫౌండేషన్, చీఫ్ మినిస్టర్స్ ట్రోఫీ లోగో. మస్కట్ విడుదల సందర్భంగా చెన్నైలో జరిగిన కార్యక్రమంలో స్టాలిన్.. ధోనీని ఆకాశానికెత్తేశారు. ధోనీకి తాను బిగ్ ఫ్యాన్‌నని చెప్పారు. తమిళనాడు దత్తపుత్రుడైన ధోనీ భవిష్యత్‌లో కూడా చెన్నై సూపర్ కింగ్స్ తరపున ఆడాలని స్టాలిన్ అభిలషించారు. కోట్లాది మంది భారత యువతకు ధోనీ స్ఫూర్తి అని, తమిళనాడు నుంచి ఎంతో మంది ధోనీలను తయారు చేయాలని తమకుందన్నారు. కేవలం క్రికెట్‌లోనే కాకుండా ఇతర క్రీడల్లో కూడా ఇలాంటి క్రీడాకారులను తయారుచేయాలనుకుంటున్నామని స్టాలిన్ వెల్లడించారు.

స్టాలిన్ ధోనీపై ప్రశంసలు కురిపిస్తుంటే ఆయన కుమారుడు ఉదయనిధి స్టాలిన్ చప్పట్లు కొడుతూ కనిపించారు. ధోనీ మాత్రం చిరునవ్వులు చిందించారు.