Vande Bharat train: కర్ణాటకకు మరో వందేభారత్‌ రైలు.. ఆ పనులు పూర్తయిన వెంటనే...

బెంగళూరు, (ఆంధ్రజ్యోతి): రాష్ట్రానికి మరో వందేభారత్‌ రైలు మంజూరైంది. పాలక్కాడ్‌ - దక్షిణ రైల్వేల మధ్య సంచరించనుంది. రెండు రోజుల క్రితం చెన్నై ఫ్యాక్టరీ నుంచి వందేభారత్‌ రైలు మంగళూరుకు చేరింది. రైలును పాలక్కాడ్‌ విభాగానికి అప్పగించనున్నారు. అయితే ట్రాక్‌ పనులు సాగుతున్నందున సంచారం మరింత ఆలస్యం కానుంది. మంగళూరు - బెంగళూరు(Mangalore - Bangalore)ల మధ్య 90 కిలోమీటర్ల విద్యుద్దీకరణ పనులు సాగుతున్నాయి. పూర్తి కాగానే సంచారం ఆరంభం కానుందని దక్షిణకన్నడ ఎంపీ నళిన్‌కుమార్‌ కటీల్‌(Dakshina Kannada MP Nalin Kumar Katil) ప్రకటించారు. ఇప్పటికే కేంద్ర రైల్వే మంత్రి అశ్విని వైష్ణవ్‌తో చర్చలు జరిపినట్టు తెలిపారు. ప్రస్తుతం చెన్నై - బెంగళూరు - మైసూరు, బెంగళూరు - హుబ్బళ్ళిల మధ్య రెండు వందేభారత్‌ రైళ్లు సంచరిస్తున్నాయి. మరో రైలు మంగళూరు ప్రాంతానికి రానుంది.