Watch Video: ఈ సీఎం కత్తి విన్యాసాలను చూస్తే మైండ్ బ్లాక్ అవ్వడం పక్కా..

మధ్యప్రదేశ్ నూతన సీఎం మోహన్ యాదవ్ కత్తి విన్యాసాలకు సంబంధించిన వీడియో ప్రస్తుతం సోషల్ మీడియాను షేక్ చేస్తోంది. మధ్యప్రదేశ్ నూతన ముఖ్యమంత్రిగా మోహన్ యాదవ్ ఇటీవల ప్రమాణ స్వీకారం చేసిన వేళ ఈ వీడియో ట్రెండింగ్‌లో ఉంది. వీడియోలో మోహన్ యాదవ్ రెండు చేతులతో కత్తులను అద్భుతంగా తిప్పుతున్నారు. మెరుపువేగంతో మోహన్ యాదవ్ కత్తులు తిప్పుతుంటే చూపరులు కళ్లు తిప్పుకోలేకపోతున్నారు. సీఎం కత్తి విన్యాసానికి ముగ్దులైపోయిన నెటిజన్లు సదరు వీడియోకు లైక్‌లు, కామెంట్లు, షేర్లతో సోషల్ మీడియాను హోరెత్తిస్తున్నారు. సీఎం కాకముందు ఓ కార్యక్రమంలో మోహన్ యాదవ్ తన కత్తి విన్యాసాలను ప్రదర్శించారు. కాగా డిసెంబర్ 3న వెలువడిన మధ్యప్రదేశ్ అసెంబ్లీ ఎన్నికల ఫలితాల్లో 163 స్థానాలు గెలుచుకున్న బీజేపీ వరుసగా రెండోసారి అధికారంలోకి వచ్చింది. ఈ సారి ముఖ్యమంత్రిగా బీజేపీ అధిష్టానం కొత్త వారికి అవకాశం ఇచ్చింది. ఈ క్రమంలో గత శివరాజ్ సింగ్ చౌహాన్ ప్రభుత్వంలో మంత్రిగా పని చేసిన మోహన్ యాదవ్‌ను ముఖ్యమంత్రిని చేసింది.