బరువు తగ్గడం అనేది మనందరం ప్రయత్నించే విషయమే. మన బరువును అదుపులో ఉంచుకోవడానికి శరీరాన్ని, మనస్సును ఆరోగ్యంగా ఉంచడానికి కొన్ని ఆహార ప్రణాళికలు మనకు అద్భుతంగా పనిచేస్తాయి. తక్కువ సమయంలో విజయవంతంగా బరువు తగ్గించడంలో ఉత్ప్రేరకంగా మారతాయి. సాధారణ ఆహారపు అలవాట్లను అనుసరించి, ఆహార నియమాన్నిపాటించి, బరువు తగ్గాకా, మళ్ళీ కొద్దిరోజుల్లోనే తిరిగి బరువు పుంజుకుని మొదటి స్థితికి వస్తాం.

బరువు తగ్గడం, తిరిగి పెరగకపోవడం అనేది సాధ్యమేనా?

స్థిరమైన బరువు తగ్గడం అంటే క్రాష్ డైట్‌లు లేదా ఫిట్‌నెస్ వ్యామోహాలకు బదులుగా జీవనశైలి మార్పులు , ఆరోగ్యకరమైన ఆహారపు విధానాలపై దృష్టి పెట్టాలనే ఆలోచన రావాలి. ఇది బరువు తగ్గకుండా, మునుపటి స్థాయికి తిరిగి బౌన్స్ కాకుండా ఉండేలా చేస్తుంది.

ఇది కూడా చదవండి: ఎంత తిన్నా ఆకలి తీరడం లేదా.. మళ్లీమళ్లీ ఆకలేస్తుంటుందా.. అందుకు కారణం ఈ ఏడే..!

బరువు తగ్గాలని అనుకున్నాకా, మన ఆహారం నుండి కొన్ని ఆహార పదార్థాలను తగ్గించడం అనే తప్పు చేస్తాం. ఒకసారి వాటిని మళ్ళీ తినడం ప్రారంభిస్తే, బరువు వెంటనే తిరిగి వస్తుంది. చాలా మంది బరువు తగ్గుతారు. జనాభాలో 20% మంది కూడా పూర్తిగా ఆ బరువును తగ్గించుకోలేరు. దీనికి 3 వారాల నుండి 2 నెలల మధ్య పట్టవచ్చు. కానీ కొన్ని ఆహారాలను దూరం పెట్టడం వల్ల తిరిగి బరువు తగ్గాకా వాటిని తినడం వల్ల మళ్ళీ వెయిట్ గెయిన్ అవుతుంది.

ఆరోగ్యకరమైన పద్ధతిలో నిలకడగా బరువు తగ్గడం ఎలా?

ఎక్కువ కాలం పాటు ఉండి తిరిగి రాని బరువు తగ్గడాన్ని లక్ష్యంగా చేసుకోవడం సాధ్యమేనా?

నెమ్మదిగా, స్థిరంగా బరువు తగ్గడమే దీర్ఘకాలంలో నిలదొక్కుకోవడానికి సరైన మార్గం. ఒక సంవత్సరం వ్యవధిలో 5 నుండి 10% బరువు తగ్గాలని లక్ష్యంగా పెట్టుకోవాలి.. కాబట్టి, మన బరువు 70 కిలోలు ఉంటే, ఒక సంవత్సరం వ్యవధిలో 3.5 కిలోల నుండి 7 కిలోల వరకు మాత్రమే తగ్గించుకోవడానికి ప్రయత్నించాలి. ఈ విధంగా, బరువు తగ్గడం ఆరోగ్యంగా ఉంటుంది. చాలా సులభంగా మళ్ళీ తిరిగి రాదు.