Caste Discrimination Bill: కాలిఫోర్నియాలో సంచలన బిల్లు.. నిరసనగా భారత-అమెరికన్ల ర్యాలీ!
ABN , First Publish Date - 2023-04-07T07:23:13+05:30 IST
కుల వివక్షను నిషేధించే బిల్లును రాష్ట్ర సెనేట్‌లో ప్రవేశపెట్టడాన్ని వ్యతిరేకిస్తూ అమెరికాలోని కాలిఫోర్నియాలో వేలాది మంది భారత-అమెరికన్లు శాంతియుత ర్యాలీ చేపట్టారు.
కాలిఫోర్నియాలో కులవివక్ష నిషేధంపై బిల్లు
వాషింగ్టన్‌, ఏప్రిల్‌ 6: కుల వివక్షను నిషేధించే బిల్లును రాష్ట్ర సెనేట్‌లో ప్రవేశపెట్టడాన్ని వ్యతిరేకిస్తూ అమెరికాలోని కాలిఫోర్నియాలో వేలాది మంది భారత-అమెరికన్లు శాంతియుత ర్యాలీ చేపట్టారు. రాష్ట్ర శాసనసభకు ఎన్నికైన మొదటి ముస్లిం, అఫ్ఘాన్‌-అమెరికన్‌ అయిన ఆయేషా వాహాబ్‌ మార్చి 22న కాలిఫోర్నియా శాసనసభలో కుల వివక్షను నిషేధించే బిల్లును ప్రవేశపెట్టారు. ఈ బిల్లును వ్యతిరేకిస్తూ ఉత్తర అమెరికా హిందువుల కూటమి (సీవోహెచ్‌ఎన్‌ఏ) ఆధ్వర్యంలో బుధవారం శాంతియుత ర్యాలీ నిర్వహించారు. కాలిఫోర్నియా చట్టసభలకు హిందువులను దూరం చేయొద్దని కోరారు.
