Viral Video: మహారాష్ట్రలోని ధూలే నగరంలో పోలీసులు నిర్వహించిన మాక్ డ్రిల్ తాలూకు వీడియో ప్రస్తుతం నెట్టింట వైరల్ అవుతోంది. ఆ మాక్ డ్రిల్ కాస్తా మిస్ ఫైర్ కావడమే దీనికి అసలు కారణం. ధూలే సిటీలోని రద్దీగా ఉండే స్వామినారాయణ ఆలయంలో పోలీసులు.. టెర్రర్ ఎటాక్ (Terror Attack) పై ఉగ్రవాదుల్లా మాక్ డ్రిల్ చేపట్టారు. ముఖాలకు నల్లటి వస్త్రంతో కవర్ చేసి, తుపాకులతో తీవ్రవాదుల్లా ఆలయంలోకి ప్రవేశించారు. అనంతరం ఓ వ్యక్తిని గన్‌తో బెదిరించి మోకాళ్లపై కూర్చొబెట్టారు. అలా కూర్చున్న ఆ వ్యక్తి కూడా పోలీసోడే.

కానీ, అదంతా చూసి ఆలయానికి వచ్చిన భక్తులు భయాందోళనకు గురయ్యారు. అక్కడే ఉన్న వ్యక్తి కోపంతో ఉగ్రవాదిపై దాడి కూడా చేశాడు. వారు ఉగ్రవాదులు కాదని, పోలీసుల మాక్ డ్రిల్ అని తెలపడంతో అంతా ఊపిరిపీల్చుకున్నారు. ఇప్పుడీ ఘటన తాలూకు వీడియో నెట్టింట వైరల్‌గా మారడంతో నెటిజన్లు తమదైనశైలిలో స్పందిస్తున్నారు.

Viral Video: ఓరి నాయనో.. ఇదేం కొట్టుకోవడంరా బాబు.. డబ్ల్యూడబ్ల్యూఈలో కూడా ఇలాంటి ఫైట్ ఉండదేమో..!