Heartbreaking Video: నెట్టింట ఓ మహిళకు సంబంధించిన వీడియో ఒకటి బాగా వైరల్ అవుతోంది (Video goes Viral). కారులో వచ్చిన సదరు మహిళ రోడ్డుపై వాహనాన్ని ఆపింది. అనంతరం కారులో తీసుకువచ్చిన రెండు శునకాలను కిందకు దించింది. వాటిలో ఓ కుక్కను మళ్లీ కారులో ఎక్కించుకుంది. కానీ, మరో శునకాన్ని మాత్రం అలాగే నడిరోడ్డుపై వదిలేసి కారు డోర్ మూసేసింది. దాంతో కింద ఉన్న కుక్క ఆమెతో పాటు కారులోకి ఎక్కేందుకు ప్రయత్నించింది. అంతే.. దాన్ని చేతులతో ఎత్తి రోడ్డుపై పడేసింది. అనంతరం అక్కడి నుంచి వెళ్లిపోయింది.

పాపం.. అప్పటికే దాని కాలికి దెబ్బ తగిలినట్టుంది. దాంతో ఆమె కారు వెంట అది పరుగెత్తలేకపోయింది. ఆ ఎండలో ఏటుపోవాలో తెలియక కొద్దిసేపు అటుఇటు చూసి నెమ్మదిగా అక్కడి నుంచి ముందుకు కదిలింది. మండిపోతున్న ఎండలో ఆ మూగజీవి గోస చూడాలి. ఇప్పుడీ హృదయవిదారక వీడియో (Heartbreaking Video) సోషల్ మీడియాలో వైరల్ అవుతోంది. ఇప్పటివరకు ఈ వీడియోను 2.18లక్షల మంది వీక్షించారు. అప్పటికే కాలికి దెబ్బతగిలి సరిగ్గా నడవలేని స్థితిలో ఉన్న ఆ మూగజీవి పట్ల సదరు మహిళ ఇలా కర్కశత్వంగా ప్రవర్తించడంపై నెటిజన్లు మండిపడుతున్నారు.

Viral Video: నడిరోడ్డుపై ఓ యువతిని వేధిస్తున్న కుర్రాడు.. సడన్‌గా వచ్చి పక్కనే ఆగిన బస్సులోంచి దిగిన నలుగురు వ్యక్తులు.. చివరకు షాకింగ్ సీన్..!