ODI World Cup 2023: ప్రపంచకప్‌కు టీమిండియా ఆల్ సెట్.. ఇదే ఫైనల్ ఎలెవన్..!!

వన్డే ప్రపంచకప్‌కు ఇంకా కొన్నివారాల సమయం మాత్రమే ఉంది. ఇప్పటికే అన్ని జట్లు తమ స్క్వాడ్‌లను ప్రకటించాయి. ఒకవేళ ఆటగాళ్లను మార్చుకోవాలంటే ఈనెల 28 వరకు డెడ్‌లైన్ ఉంది. టీమిండియా కూడా తమ జట్టులో కొన్ని మార్పులు చేసే అవకాశం లేకపోలేదు. ఆసియా కప్ సందర్భంగా గాయపడ్డ అక్షర్ పటేల్ ఇంకా కోలుకోలేదు. ఈ నేపథ్యంలో అతడి స్థానంలో సీనియర్ ఆటగాడు రవిచంద్రన్ అశ్విన్‌ను ఎంపిక చేసే అవకాశం కనిపిస్తోంది. ఆస్ట్రేలియాతో మూడు వన్డేల సిరీస్ సందర్భంగా టీమిండియా ఫైనల్ ఎలెవన్‌పై స్పష్టత అయితే వచ్చింది. మెగా టోర్నీ సొంతగడ్డపైనే జరుగుతున్న సందర్భంగా జట్టులో ముగ్గురు ఫాస్ట్ బౌలర్లు, ముగ్గురు స్పిన్నర్లకు చోటు కల్పించే సూచనలు కనిపిస్తున్నాయి.

ఇది కూడా చదవండి: IND vs AUS: మూడో వన్డేకు ముందు టీమిండియాకు గట్టి ఎదురుదెబ్బ!

ఓపెనర్ స్థానానికి నలుగురు ఆటగాళ్లు పోటీ పడుతున్నా రోహిత్, శుభ్‌మన్ గిల్ బరిలోకి దిగడం ఖాయం. వన్‌డౌన్‌లో విరాట్ కోహ్లీ, సెకండ్ డౌన్‌లో శ్రేయాస్ అయ్యర్‌కు బెర్తులు ఖరారయ్యాయి. ఇప్పటివరకు శ్రేయాస్ అయ్యర్ స్థానంపై నీలినీడలు కమ్ముకున్నా ఆస్ట్రేలియా వంటి పటిష్ట జట్టుపై సెంచరీ సాధించడంతో అతడికే బెర్త్ కన్‌ఫార్మ్ చేసినట్లు తెలుస్తోంది. దీంతో నాలుగో స్థానంపై కారుమబ్బులు తొలగిపోయాయి. వరల్డ్ కప్ వంటి షెడ్యూల్ దృష్ట్యా ఒకట్రెండు మ్యాచ్‌లలో అతడికి విశ్రాంతి ఇచ్చినట్లయితే ఇషాన్ కిషన్ రంగంలోకి దిగనున్నాడు. ఐదో స్థానంలో వికెట్ కీపర్‌గా కేఎల్ రాహుల్ దిగడం గ్యారంటీ. ఆరు, ఏడు స్థానాల్లో ఆల్‌రౌండర్లు హార్దిక్ పాండ్య, రవీంద్ర జడేజా బరిలోకి దిగుతారు. 8వ స్థానంలో స్పిన్ ఆల్‌రౌండర్‌ను తీసుకోవాలంటే అక్షర్ పటేల్.. పేస్ ఆల్‌రౌండర్‌ను తీసుకోవాలంటే శార్దూల్ ఠాకూర్ అందుబాటులో ఉంటారు. ఒకవేళ అక్షర్ పటేల్ కోలుకోకుంటే అతడి స్థానంలో రవిచంద్రన్ అశ్విన్ దిగనున్నాడు. స్పెషలిస్ట్ స్పిన్నర్‌గా కుల్‌దీప్ యాదవ్ దిగడం ఖాయం. పేస్ బాధ్యతలను జస్‌ప్రీత్ బుమ్రా, మహ్మద్ సిరాజ్ పంచుకోనున్నారు. వాళ్లకు బ్యాకప్‌గా మహ్మద్ షమీ కూడా రెడీగా ఉండనున్నాడు.

టీమిండియా ఫైనల్ ఎలెవన్: రోహిత్ శర్మ, శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్, హార్దిక్ పాండ్య, రవీంద్ర జడేజా, అక్షర్ పటేల్ లేదా అశ్విన్, కుల్‌దీప్ యాదవ్, జస్‌ప్రీత్ బుమ్రా, మహ్మద్ సిరాజ్