Telangana Elections: తెలంగాణలో కాంగ్రెస్ అగ్రనేతల ప్రచార షెడ్యూల్ ఇదే..

హైదరాబాద్: తెలంగాణలో ఎన్నికల ప్రచారానికి రేపటితో (మంగళవారం) తెరపడునున్న నేపథ్యంలో కాంగ్రెస్ ముఖ్య నేతలు (Congress Leaders) ప్రచారంలో నిమగ్నమయ్యారు. ఏఐసీసీ చీఫ్ మల్లికార్జున ఖర్గే (AICC Chief Mallikarjuna Kharge), ప్రియాంక గాంధీ (Priyanka Gandhi), ఛత్తీస్‌ఘడ్ సీఏం భూపేష్ భగేల్ (Chattisgarh CM Bhupesh Bhagel) ఈరోజు పలు నియోజకవర్గాల్లో ప్రచారం చేయనున్నారు. ఏఐసీసీ చీఫ్ మల్లికార్జున ఖర్గే నర్సపూర్‌లో సాయంత్రం 4:30 గంటలకు ఎన్నికల ప్రచారంలో పాల్గొననున్నారు.

ప్రియాంక గాంధీ ప్రచార వివరాలు:

• నేడు మూడు నియోజకవర్గాల్లో ప్రియాంక గాంధీ ప్రచారం

• భువనగిరి, గద్వాల్, కొడంగల్ లో ప్రచారం చేయనున్న ప్రియాంక గాంధీ

• ఉదయం 11:30 గంటలకు భువనగిరి సభలో పాల్గోననున్న ప్రియాంక గాంధీ

• మధ్యాహ్నం 1: 30గంటలకు గద్వాల్ సభలో ప్రసంగించనున్న ప్రియాంక గాంధీ

• మధ్యాహ్నం 3:30 గంటలకు కొడంగల్‌‌లో భారీ బహిరంగ సభలో ప్రియాంక ప్రసంగించనున్నారు.

ఛత్తీస్‌ఘడ్ సీఏం భూపేష్ భగేల్ షెడ్యూల్..

నేడు తెలంగాణలో ఛత్తీస్‌ఘడ్ సీఏం భూపేష్ భగేల్ పర్యటించనున్నారు. మధ్యాహ్నం 12.30 గంటలకు ఆదిలాబాద్‌లో ఎన్నికల ప్రచారంలో భగేల్ పాల్గొననున్నారు. 3:30 గంటలకు నిజామాబాద్ ఎన్నికల ప్రచారానికి భగేల్ వెళ్లనున్నారు.

మూడు నియోజవర్గాల్లో రేవంత్ ప్రచారం

టీపీసీసీ చీఫ్ రేవంత్ రెడ్డి ఈరోజు మూడు నియోజకవర్గాల్లో ఎన్నికల ప్రచారం చేయనున్నారు. ఇల్లందు, డోర్నకల్, కొడంగల్ నియోజకవర్గాల్లో ప్రచార సభల్లో రేవంత్ పాల్గొంటారు. ఉదయం 10 గంటలకు ఇల్లందులో బహిరంగసభ, ఉదయం 11 గంటలకు డోర్నకల్ బహిరంగసభ, మధ్యాహ్నం 3:30 గంటలకు ప్రియాంక గాంధీతో కలిసి కొడంగల్ బహిరంగసభలో రేవంత్ రెడ్డి పాల్గొననున్నారు.

మరిన్ని పోరు తెలంగాణ వార్తల కోసం ఇక్కడ క్లిక్ చేయండి