Renuka Chowdhury: వనమాకు బీఆర్‌ఎస్ టికెట్ అత్యంత దయనీయం

భద్రాద్రి కొత్తగూడెం: కొత్తగూడెం బీఆర్‌ఎస్ అభ్యర్థి వనమా వెంకటేశ్వరరావుపై (BRS candidate Vanama Venkateswara Rao) మాజీ ఎంపీ రేణుకా చౌదరి (Former MP Renuka Chowdhury) తీవ్రస్థాయిలో విరుచుకుపడ్డారు. ఎన్నికల ప్రచారంలో భాగంగా కొత్తగూడెంలో రేణుకా చౌదరి మాట్లాడుతూ.. కాంగ్రెస్‌కు ద్రోహం చేసిన వనమా కుటుంబానిది హంతక చరిత్ర అని అన్నారు. కబ్జా కోరు, అవినీతిపరుడు వనమాకు బీఆర్‌ఎస్ టికెట్ అత్యంత దయనీయమన్నారు. ఓటు అనే ఆయుధంతో నిజాయితీపరుడు సాంబశివరావును గెలిపించి ప్రజాస్వామ్యాన్ని కాపాడాలని కోరారు. అవినీతి సొమ్ము ఇస్తే తీసుకున్నా... కాంగ్రెస్ (Congress) మిత్రపక్షాన్ని గెలిపించాలని ఆడబిడ్డగా వేడుకుంటున్నట్లు తెలిపారు. ట్రెయిలర్ చూపించి ఓట్లు అడిగే జలగం ఎన్నికలయ్యాక అడ్రస్ ఉండరన్నారు. సాంబశివరావును గెలిపించాలని.. ఇద్దరం కలిసి ఇక్కడ అభివృద్ధి చేస్తామని.. ప్రజలకు అండగా ఉంటామని రేణుకా చౌదరి హామీ ఇచ్చారు.

మరిన్ని పోరు తెలంగాణ వార్తల కోసం ఇక్కడ క్లిక్ చేయండి