Janga Raghava Reddy: కాంగ్రెస్ గెలుపుకోసం పనిచేస్తా

హనుమకొండ : కాంగ్రెస్ పార్టీ ( Congress party ) కోసం 30ఏళ్లుగా పనిచేస్తున్నానని కాంగ్రెస్ నేత జంగా రాఘవరెడ్డి ( Janga Raghava Reddy ) తెలిపారు. బుధవారం నాడు కాంగ్రెస్ పార్టీ కార్యాలయంలో ఆయన మీడియాతో మాట్లాడుతూ...‘‘కాంగ్రెస్ పార్టీలో నాకు ద్రోహం జరిగినా నేను పార్టీ వీడలేదు. పార్టీ ఆదేశానుసారం గత ఎన్నికల్లో పాలకుర్తి నుంచి పోటీచేశాను. నాయిని రాజేందర్‌రెడ్డి గెలుపు కోసం పనిచేస్తాను. నాకు టికెట్ ఇవ్వకపోవడంతో ఇన్నాళ్లూ అసంతృప్తిగా ఉన్నాను. అధిష్ఠానం నాకు తగిన న్యాయం చేస్తానని హామీ ఇచ్చింది. ఎమ్మెల్సీ, హనుమకొండ డీసీసీ పదవి ఇస్తామని హామీ ఇచ్చారు. నా అనుచరులు కూడా కాంగ్రెస్ గెలుపుకోసం పనిచేస్తారు’’ అని జంగా రాఘవరెడ్డి పేర్కొన్నారు.

రాఘవరెడ్డికి సముచిత స్థానం కల్పిస్తాం: నాయిని రాజేందర్‌రెడ్డి

జంగా రాఘవరెడ్డికి సముచిత స్థానం కల్పిస్తామని వరంగల్ వెస్ట్ నియోజకవర్గ కాంగ్రెస్ అభ్యర్థి నాయిని రాజేందర్‌రెడ్డి ( Naini Rajender Reddy ) తెలిపారు. నాకు సహకారం అందిస్తున్న జంగా రాఘవరెడ్డికి ప్రత్యేక ధన్యవాదములు. ఉదయ్ పూర్ తీర్మానాలకు కట్టుబడి ఉంటామని రాజేందర్‌రెడ్డి పేర్కొన్నారు.