KTR : ఆ విషయంపై కాంగ్రెస్ నేతలు మెసేజ్‌లు పెడుతున్నారు

రాజన్న సిరిసిల్ల జిల్లా : కాంగ్రెస్ పార్టీ ( Congress party ) లో నిరాశలో ఉన్ననేతలు కూడా తనకు మెసేజ్‌లు పెడుతున్నారని బీఆర్ఎస్ వర్కింగ్ ప్రెసిడెంట్, సిరిసిల్ల ఎమ్మెల్యే కల్వకుంట్ల తారక రామారావు ( KTR ) కీలక వ్యాఖ్యలు చేశారు. బుధవారం నాడు బీఆర్ఎస్ పార్టీ జిల్లా కార్యాలయంలో అంబేద్కర్ చిత్రపటానికి నివాళి అర్పించారు. ఈ సందర్భంగా కేటీఆర్ మాట్లాడుతూ... ‘‘ఎన్నికలల్లో అనుకోని ఫలితాలు రావడం సహజం, నిరాశ పడాల్సిన అవసరం లేదు. పోరాటాల నుంచి వచ్చిన పార్టీ, పోరాటాలు మాకేం కొత్తకాదు. ఇచ్చిన హామీల అమలు కోసం ప్రజల గొంతుకై మాట్లాడుతాం. ప్రజలు మనకు కూడా రెండు సార్లు అవకాశం ఇచ్చారు, దానికి భయపడాల్సిన అవసరంలేదు. తెలంగాణకు ఉన్న ఏకైక గొంతు కేసీఆర్, బీఆర్ఎస్ పార్టీని ప్రజలు వదులుకోరు. ఇది తాత్కాలిక స్పీడ్ బ్రేకర్ మాత్రమే’’ అని కేటీఆర్ పేర్కొన్నారు.