MLA Seethakka: గెలిచిన అనంతరం సీతక్క ఏమన్నారంటే.. ?

ములుగు: ఈ ఎన్నికల్లో సోనియమ్మ ఇచ్చిన కాంగ్రెస్‌ పార్టీకే ప్రజలు పట్టం కట్టారని ములుగు ఎమ్మెల్యే సీతక్క ( MLA Seethakka ) తెలిపారు. ఆదివారం నాడు ఎన్నికల ఫలితాల అనంతరం సీతక్క మీడియాతో మాట్లాడుతూ..‘‘ములుగు నియోజకవర్గంలో న్యాయం గెలిచింది నీతి గెలిచిందని చెప్పారు. కరోనా, వరదల సమయంలో ఇక్కడకు రాని మంత్రులు తనను ఓడియడానికి ములుగు నియోజకవర్గంలోనే ప్రచారం నిర్వహించారని అన్నారు. కేటీఆర్, కేసీఆర్ మిగిలిన మంత్రులు అందరు కలిసి వచ్చారన్నారు. నియోజకవర్గంలో డబ్బు మద్యం ఎరులైపారిందన్నారు. మూడోసారి ఎమ్మెల్యేగా పోటీ చేసిన నాకు ఎన్నో ఇబ్బందులకు గురి చేశారని చెప్పారు. ఇది తన వ్యక్తిగత గెలుపు కాదని నియోజకవర్గ ప్రజల గెలుపని సీతక్క తెలిపారు. తన కష్టాన్ని ప్రజలు గుర్తించారని తెలిపారు. బీఆర్ఎస్ నాయకులు 100 కోట్లు ఖర్చుపెట్టిన నియోజకవర్గ ప్రజలు ఈ ఎన్నికల్లో తననే గెలిపించారని అన్నారు. 20 ఏళ్లుగా ప్రజలకు సేవ చేస్తున్నానని అన్నారు. తన గెలుపుకు సహకరించిన ప్రజలను అన్ని విధాలా కాపాడుకుంటానని సీతక్క పేర్కొన్నారు.