HYD: అవును.. వాళ్లిద్దరూ ఒక్కటయ్యారు.. ఇక ఆ నియోజకవర్గంలో బీఆర్ఎస్‏కు...

- ‘బండారి’ గెలుపునకు కృషి చేస్తా: ఎమ్మెల్యే భేతి

రామంతాపూర్‌(హైదరాబాద్), (ఆంధ్రజ్యోతి): ఇప్పటి వరకు ఉప్పల్‌(Uppal)లో ఉప్పు.. నిప్పుగా ఉన్న ఎమ్మెల్యే భేతి సుభాష్‌రెడ్డి(MLA Bhethi Subhash Reddy), బీఆర్‌ఎస్‌ నియోజకవర్గ అభ్యర్థి బండారి లక్ష్మారెడ్డి ఒక్కటయ్యారు. తన రాజకీయ భవితవ్యంపై స్పష్టమైన హామీనిచ్చిన సీఎం కేసీఆర్‌, మంత్రులు కేటీఆర్‌, హరీష్‌రావుల ఆదేశాల మేరకు బండారి గెలుపు కోసం కృషి చేస్తానని సుభాష్‌రెడ్డి తెలిపారు. సోమవారం నియోజకవర్గ ఇన్‌చార్జి రావుల శేఖర్‌రెడ్డి, అభ్యర్థి బండారి లక్ష్మారెడ్డి, సీనియర్‌ నాయకుడు రాగిడి లక్ష్మారెడ్డి(Ragidi Lakshmareddy)లతో కలిసి తన నివాసంలో ఏర్పాటు చేసిన విలేకరుల సమావేశంలో భేతి మాట్లాడారు. ‘నేను తండ్రి మీద అలిగినా. అందుకే నన్ను పిలుచుకుని మాట్లాడారు. కేసీఆర్‌ మాట దాటను.’ అని అన్నారు. తాను పార్టీ మారేది లేదని స్పష్టం చేశారు. సమావేశంలో కార్పొరేటర్లు స్వర్ణరాజ్‌, ప్రభుదాస్‌, దేవేందర్‌రెడ్డి, శాంతి శేఖర్‌, బొంతు శ్రీదేవి, మాజీ కార్పొరేటర్లు స్వప్నారెడ్డి, పావనిరెడ్డి తదితరులు పాల్గొన్నారు.