TS Election: ఒకేరోజు రాహుల్ సహా అగ్రనేతలు ఎన్నికల ప్రచారం!
ABN , First Publish Date - 2023-11-13T16:52:15+05:30 IST
ఒకే రోజు తెలంగాణలో రాహుల్, ప్రియాంక, ఖర్గే సమావేశాలు ఉండేలా ప్లాన్ చేస్తున్నారు. ప్రతి నియోజకవర్గంలో వీఐపీ పర్యటనలు ఉండేలా కాంగ్రెస్ కసరత్తు చేస్తోంది.
హైదరాబాద్: తెలంగాణ ఎన్నికల ప్రచారానికి కాంగ్రెస్ అగ్ర నేతలంతా వచ్చేస్తున్నారు. ఇప్పటికే పలుమార్లు రాహుల్ (Rahul Gandhi), ప్రియాంక (Priyanka Gandhi) సహా పలువురి నేతలు ప్రచారం నిర్వహించారు. ఎన్నికలు దగ్గర పడుతుండడంతో ప్రచారం ఊపందుకుంటోంది. ఈనెల 17న రాహుల్‌గాంధీ తెలంగాణకి రానున్నారు. ఆరు రోజులు తెలంగాణలోనే రాహుల్ మకాం వేయనున్నారు. అలాగే 17 తర్వాత తెలంగాణలో కాంగ్రెస్ ముఖ్యమంత్రులు కూడా విస్తృతంగా పర్యటించనున్నారు. ఇక ఒకే రోజు తెలంగాణలో రాహుల్, ప్రియాంక, ఖర్గే సమావేశాలు ఉండేలా ప్లాన్ చేస్తున్నారు. ప్రతి నియోజకవర్గంలో వీఐపీ పర్యటనలు ఉండేలా కాంగ్రెస్ కసరత్తు చేస్తోంది. ఈనెల 17న పాలకుర్తి, వరంగల్, భువనగిరిలో రాహుల్ సభలు నిర్వహించనున్నారు.
