Minister Harish Rao: దేశానికి రాష్ట్రo ఆదర్శమైతే.. రాష్ట్రానికి సిద్దిపేట రోల్ మోడల్

సిద్దిపేట: దేశానికి రాష్ట్రo ఆదర్శమైతే.. రాష్ట్రానికి సిద్దిపేట రోల్ మోడల్ అని మంత్రి హరీష్‌రావు(Minister Harish Rao) వ్యాఖ్యానించారు. జిల్లా కేంద్రంలోని కొండా భూదేవి గార్డెన్ లో శుక్రవారం నాడు బీసీ బందు కార్యక్రమం నిర్వహించారు. ఈ కార్యక్రమంలో మంత్రి హరీశ్, జిల్లా కలెక్టర్ ప్రశాంత్ జీవన్ పాటిల్ పాల్గొన్నారు. ఈ సందర్భంగా హరీష్ రావు మాట్లాడుతూ..‘‘400 మందికి గృహలక్ష్మి పథకం కింద చెక్కులు ఇస్తున్నాం. మీకోసం 18 గంటలు పనిచేస్తున్నా, మీ ఆశీర్వాదం మాకు కావాలి. సిద్దిపేట చిరకాల కోరిక రైలు కూడా తీసుకువచ్చా. ఎక్కడ ఏది మంచి కనబడితే అది సిద్దిపేటలో ఉండాలన్నది నా కోరిక సిద్దిపేట విద్య క్షేత్రంగా మారింది. దేవుడిచ్చిన శక్తి, కేసీఆర్ ఇచ్చిన ఆశీస్సులతో సిద్దిపేట అభివృద్ధి పనులు చేస్తూనే ఉంటా’’ అని మంత్రి హరీష్‌రావు పేర్కొన్నారు.