Congress: కాంగ్రెస్ టికెట్ రాకపోవడంతో జంగారాఘవరెడ్డి కంటతడి
ABN , First Publish Date - 2023-10-28T12:48:37+05:30 IST
తెలంగాణ కాంగ్రెస్ రెండో జాబితాను ప్రకటించినప్పటి నుంచి టికెట్ రాని అనేక మంది తీవ్ర అసంతృప్తి వ్యక్తం చేస్తున్నారు.
హనుమకొండ: తెలంగాణ కాంగ్రెస్ రెండో జాబితాను ప్రకటించినప్పటి నుంచి టికెట్ రాని అనేక మంది నేతలు తీవ్ర అసంతృప్తి వ్యక్తం చేస్తున్నారు. తాజాగా వరంగల్ పశ్చిమ నియోజకవర్గం నేత జంగా రాఘవరెడ్డి (Janga Ragava reddy) కాంగ్రెస్ టికెట్ ఆశించి భంగపడ్డాడు. కాంగ్రెస్ టికెట్ రాకవడంతో రాిఘవరెడ్డి కంటతడి పెట్టారు. ముఖ్య నాయకులతో అత్యవసర సమావేశమైన ఆయన పార్టీ మారే యోచనలో ఉన్నట్లు తెలుస్తోంది. కాంగ్రెస్ టికెట్ రాకపోవడంతో ఇండిపెండెంట్‌గా అయినా నిలబడే ఆలోచనలో జంగా రాఘవరెడ్డి ఉన్నట్లు సమాచారం. భవిష్యత్ కార్యచరణపై రాఘవరెడ్డి సమాలోచనలు చేస్తున్నారు. అటు మరో కాంగ్రెస్ నేత ఇనగాల వెంకట్రామ్ రెడ్డి కూడా అనుచరులతో సమావేశమయ్యారు. పరకాల టికెట్ ఆశించి ఇనగాల భంగపడ్డారు. దీంతో తన అనుచరులతో సమావేశమై భవిష్యత్ కార్యాచరణను ప్రకటించే అవకాశం ఉంది.
