AP News - BJP: బీజేపీ ప్రచార రథాలను ప్రారంభించిన ఏపీ బీజేపీ అధ్యక్షురాలు పురందేశ్వరి

విజయవాడ: ఏపీ బీజేపీ అధ్యక్షురాలు పురందేశ్వరి పార్టీ ప్రచార రథాలను ప్రారంభించారు. ఈ సందర్భంగా ఆమె మాట్లాడుతూ.. మేనిఫెస్టో రూపకల్పన కోసం అభిప్రాయ సేకరణ చేపట్టనున్నామని వెల్లడించారు. కేంద్రం, రాష్ట్ర ప్రభుత్వాల నుంచి ఏం ఆశిస్తున్నారనే అంశంపై రెండు బాక్సులు ఏర్పాటు చేస్తామని తెలిపారు. తొమ్మిది జిల్లాలకు మేనిఫెస్టో రథాలను పంపనున్నట్టు ఆమె పేర్కొన్నారు. ఇక పొత్తులపై జాతీయ నాయకత్వం నిర్ణయం తీసుకుంటుందని అన్నారు. టీడీపీ - జనసేన పార్టీలతో పొత్తు ఖరారవ్వడం సంతోషమని వ్యాఖ్యానించారు. ఏయే సీటు.. ఎన్ని సీట్లు అనేది రెండు రోజుల్లో క్లారిటీ వచ్చే అవకాశం ఉంటుందని పురందేశ్వరి అన్నారు.దుష్ట శిక్షణ.. శిష్ట రక్షణ కోసమే పొత్తులు ఏర్పచుకున్నామని వివరించారు.

క్రమశిక్షణ కలిగిన కార్యకర్తలు అన్నింటినీ అర్థం చేసుకుంటారని పురందేశ్వరి వ్యాఖ్యానించారు. రాముల వారికి ఉడుత సాయం కూడా అవసరమైందని,

ఏపీలో జరుగుతున్న అరాచకాల అంతానికి అందరూ కలవాల్సిన అవసరం ఉందని అన్నారు.