AP High Court: మైనింగ్ శాఖపై ఏపీ హైకోర్టు ఆగ్రహం

అమరావతి: బౌద్ధ క్షేత్రం సమీపంలో మైనింగ్‌కు అనుమతులు ఇవ్వడంపై హైకోర్టు ( High Court) ఆగ్రహం వ్యక్తం చేసింది. అక్కడ అంత హడావుడిగా ఎందుకు అనుమతి ఇచ్చారని ధర్మాసనం ప్రశ్నించింది. కొడవలి బౌద్ధ క్షేత్రం సమీపంలో గ్రావెల్ తవ్వకాలకు అనుమతులు ఇవ్వడాన్ని సవాల్ చేస్తూ హైకోర్టులో ( High Court) బౌద్ధ స్తూప పరిరక్షణ సమితి నేత రామేశ్వర రావు పిటిషన్ వేశారు. ఆ పిటిషన్ బుధవారం నాడు ధర్మాసనం విచారించింది. సర్వే పూర్తి కాకుండా అనుమతులు ఎలా ఇచ్చారని ధర్మాసనం ప్రశ్నించింది. ఈ వ్యవహారంలో గనుల శాఖ తీరుపై అభ్యంతరం వ్యక్తం చేసింది. గ్రావెల్ మైనింగ్ నిలుపుదల చేస్తూ హైకోర్ట్ మధ్యంతర ఉత్తర్వులు జారీ చేసింది. ఈ పిటిషన్‌లో కౌంటర్ దాఖలు చేయాలని ప్రభుత్వానికి ఆదేశాలు జారీచేసింది. కేసు తదుపరి విచారణను ఈ నెల 27వ తేదీకి వాయిదా వేసింది.

మరిన్ని ఏపీ వార్తల కోసం ఈ లింక్ క్లిక్ చేయండి.