TDP - Chandrababu: ముగిసిన చంద్రబాబు-దేవినేని ఉమ భేటీ

అమరావతి: టీడీపీ-జనసేన (TDP - Janasean) తొలి జాబితా ప్రకటించిన నేపథ్యంలో అలకలు, అసంతృప్తులకు గురైన నేతల బుజ్జగింపుల పర్వం కొనసాగుతోంది. టికెట్ ఆశించి భంగపడ్డ పలువురు సీనియర్ నేతలు నేడు (ఆదివారం) చంద్రబాబును కలిశారు. వారిలో టీడీపీ సీనియర్ నేత దేవినేని ఉమా మహేశ్వర రావు ఉన్నారు. చంద్రబాబుతో భేటీ అనంతరం ఆయన ఆసక్తికర వ్యాఖ్యలు చేశారు. తాను చంద్రబాబు కుటుంబ సభ్యుడినని వ్యాఖ్యానించారు. ‘చంద్రబాబు మాటే నాకు శిరోధార్యం’ అని అన్నారు. అయితే మైలవరం సీటు విషయంపై ఆయన పెదవి విప్పలేదు. కాగా గంటపాటు చంద్రబాబుతో దేవినేని ఉమ మాట్లాడారు.