Gurujala Jagan: ఆ వైసీపీ నేత అక్రమంగా డబ్బులు కూడబెట్టారు
ABN , Publish Date - Mar 06 , 2024 | 10:20 PM
జయహో బీసీ సభలో వైసీపీ అభ్యర్థి ఎంసీ విజయానంద రెడ్డిపై టీడీపీ చిత్తూరు అభ్యర్థి గురుజాల జగన్(Guruja Jagan) సంచలన వ్యాఖ్యలు చేశారు. తాను బతుకు తెరువు కోసం ప్రక్క రాష్ట్రం వెళ్లి సంపాదించి, పక్కాగా ట్యాక్స్ కట్టి సంపాదించానని అన్నారు. రెడ్ శాండిల్‌ను స్మగ్లింగ్ చేసి సంపాదించిన వ్యక్తి చిత్తూరు వైసీపీ అభ్యర్థి అని చెప్పారు.
చిత్తూరు: జయహో బీసీ సభలో వైసీపీ అభ్యర్థి ఎంసీ విజయానంద రెడ్డిపై టీడీపీ చిత్తూరు అభ్యర్థి గురుజాల జగన్(Gurujala Jagan) సంచలన వ్యాఖ్యలు చేశారు. తాను బతుకు తెరువు కోసం ప్రక్క రాష్ట్రం వెళ్లి సంపాదించి, పక్కాగా ట్యాక్స్ కట్టి సంపాదించానని అన్నారు. రెడ్ శాండిల్‌ను స్మగ్లింగ్ చేసి సంపాదించిన వ్యక్తి చిత్తూరు వైసీపీ అభ్యర్థి అని చెప్పారు. విజయానంద రెడ్డి ఇసుక, జే బ్రాండ్స్ మద్యాలతో అక్రమంగా డబ్బులు కూడబెట్టారని అన్నారు. చిత్తూరు ఎమ్మెల్యేగా గెలిచేది తానేనని అన్నారు.
రాబోయే ఎన్నికల్లో చంద్రబాబే ముఖ్యమంత్రి అవుతారని చెప్పారు. టీడీపీ అధికారంలోకి రాగానే చిత్తూరు వైసీపీ అభ్యర్థి ఎలా అక్రమంగా సంపాదించాడో చిట్టా విప్పి భరతం పడతామని హెచ్చరించారు. మద్దతు అడిగిన వెంటనే హ్యాట్రిక్ ఎమ్మెల్యే సి కే బాబు , తన వ్యక్తిత్వాన్ని నమ్మి టీడీపీ అభ్యర్థిగా తనకు మద్దతు పలికారని అన్నారు. ఈ నియోజకవర్గ వైసీపీ అభ్యర్థి బాగోతం ఆధారాలతో కరపత్రాలతో ప్రజలకు తెలియజేస్తానని చెప్పారు. ఎన్నికల్లో ప్రజలే వైసీపీ అభ్యర్థి విజయానంద రెడ్డి భవితవ్యాన్ని తేలుస్తారని గురుజాల జగన్ అన్నారు.
మరిన్ని ఏపీ వార్తల కోసం ఇక్కడ క్లిక్ చేయండి
