AP NEWS: ఏలూరు జిల్లాలో బావిలోకి దూసుకెళ్లిన బుల్లెట్.. ఇద్దరి యువకుల మృతి
ABN , Publish Date - Jan 01 , 2024 | 08:36 PM
జిల్లాలో న్యూ ఇయర్ వేడుకల్లో విషాదం నెలకొంది. బుల్లెట్ బండి బావిలోకి దూసుకెళ్లింది. ఈ ఘటనలో ఇద్దరు యువకులు మృతిచెందారు. ఆగిరిపల్లి మండలం కనసానపల్లె గ్రామ మామిడితోటలో విజయవాడ మొగల్ర్రాజపురంకు చెందిన ఐదుగురు స్నేహితులు ఆదివారం అర్ధరాత్రి న్యూఇయర్ వేడుకలు నిర్వహించుకున్నారు. కేక్ కటింగ్ పూర్తి చేసుకుని తిరిగి బైక్‌లపై ఇంటికి వస్తుండగా మార్గమధ్యంలో గేదెలు అడ్డురావడంతో ఒక్కసారిగా సమీప బావిలోకి యువకుల బుల్లెట్ వాహనం దూసుకెళ్లింది.
ఏలూరు జిల్లా: జిల్లాలో న్యూ ఇయర్ వేడుకల్లో విషాదం నెలకొంది. బుల్లెట్ బండి బావిలోకి దూసుకెళ్లింది. ఈ ఘటనలో ఇద్దరు యువకులు మృతిచెందారు. ఆగిరిపల్లి మండలం కనసానపల్లె గ్రామ మామిడితోటలో విజయవాడ మొగల్ర్రాజపురంకు చెందిన ఐదుగురు స్నేహితులు ఆదివారం అర్ధరాత్రి న్యూఇయర్ వేడుకలు నిర్వహించుకున్నారు. కేక్ కటింగ్ పూర్తి చేసుకుని తిరిగి బైక్‌లపై ఇంటికి వస్తుండగా మార్గమధ్యంలో గేదెలు అడ్డురావడంతో ఒక్కసారిగా సమీప బావిలోకి యువకుల బుల్లెట్ వాహనం దూసుకెళ్లింది. ప్రమాదవశాత్తు బావిలోకి పడిన ముగ్గురు యువకులలో ఒకరిని రక్షించి ఆస్పత్రికి తరలించి గ్రామస్తులు కాపాడారు. ఊపిరాడక మిగిలిన ఇద్దరు యువకులు కృష్ణ చైతన్య, సాయికుమార్‌లు బావిలోనే మృతి చెందినట్టుగా పోలీసులు తెలిపారు. వెనుక వచ్చిన మరో వాహానంపై ఉన్న ఇద్దరు స్నేహితుల స్టేట్ మెంట్ ఆధారంగా అనుమానాస్పద మృతి కింద కేసు నమోదు చేసి పోలీసులు దర్యాప్తు చేపట్టారు. కుటుంబ సభ్యులకు పోలీసులు సమాచారం అందజేశారు. మృతదేహాలను పోస్టుమార్టం కోసం ప్రభుత్వ ఆస్పత్రికి తరలించారు.
