Nallagatla Swamidasu: చంద్రబాబు సభకు కేశినేని నానిని పిలవకపోవడం సరైనది కాదు

విజయవాడ: టీడీపీ అధినేత చంద్రబాబు ( Chandrababu ) సభకు కేశినేని నాని ( Keshineni Nani ) ని పిలవకపోవడం సరైనది కాదని తిరువూరు మాజీ ఎమ్మెల్యే నల్లగట్ల స్వామిదాసు ( Nallagatla Swamidasu ) తెలిపారు. శుక్రవారం నాడు ఆయన మీడియాతో మాట్లాడుతూ... తిరువూరు గొడవ దురదృష్టకరమని చెప్పారు. కేశినేని నాని మనసులో బాధ పడుతున్నారన్నారు. చంద్రబాబు సభకు తానూ వెళ్లనని చెప్పారు. నాని తాను స్నేహితులమని.. హైదరాబాద్‌లో కలిసే ఉన్నామని తెలిపారు. నాని దారిలోనే తాను నడుస్తానని చెప్పారు. చంద్రబాబు సభకు నాని వెళ్లకపోతే ఆయన అభిమానులు ఎలా వెళ్తారని ప్రశ్నించారు. తాను నియోజకవర్గంలోనే ఉంటా‌‌నని.. నాని బాటలోనే తాను నడుస్తానని చెప్పారు. తిరువూరు గొడవల్లో ఇరువర్గాలపై కేసులు పెట్టారని మాజీ తిరువూరు ఎంఎల్ఏ పేర్కొన్నారు.