Kolikapudi Srinivasa Rao: తిరువూరు ఎమ్మెల్యే పనితీరుపై అధిష్టానం ఆరా
ABN , Publish Date - Sep 26 , 2024 | 09:56 PM
టీడీపీ కాల్ సెంటర్ నుంచి కొలికపూడి శ్రీనివాసరావు పనితీరుపై నియోజకవర్గ ప్రజలకు ఫోన్ కాల్స్ వెళ్లాయి. ఎమ్మెల్యే పనితీరు ఎలా ఉంది.. అందరినీ కలుపుకొని వెళ్తున్నారా లేదా అంటూ ప్రశ్నలు అడుగుతూ కాల్స్ వెళ్లాయి. చిట్యాల సర్పంచ్‌పై..
తిరువూరు టీడీపీ ఎమ్మెల్యే కొలికపూడి శ్రీనివాసరావు పనితీరుపై అధిష్టానం ఆరా తీసింది. ఇటీవల చిట్యాల సర్పంచ్ తుమ్మలపల్లి శ్రీనివాసరావుపై చేసిన వ్యాఖ్యల నేపథ్యంలో ఆయన భార్య కవిత ఆత్మహత్యాయత్నానికి పాల్పడినట్లు ఆరోపణలు వచ్చాయి. ఈ ఘటనను సీరియస్‌‌గా తీసుకున్న టీడీపీ అధిష్టానం ఎమ్మెల్యే పనితీరు, వ్యవహార శైలిపై నియోజకవర్గంలో విచారణ చేపట్టింది. టీడీపీ కాల్ సెంటర్ నుంచి కొలికపూడి శ్రీనివాసరావు పనితీరుపై నియోజకవర్గ ప్రజలకు ఫోన్ కాల్స్ వెళ్లాయి. ఎమ్మెల్యే పనితీరు ఎలా ఉంది.. అందరినీ కలుపుకొని వెళ్తున్నారా లేదా అంటూ ప్రశ్నలు అడుగుతూ కాల్స్ వెళ్లాయి. చిట్యాల సర్పంచ్‌పై వ్యాఖ్యలను సమర్థిస్తారా అంటూ ప్రజల అభిప్రాయాన్ని సేకరించింది. తిరువూరు, ఎ.కొండూరు, విస్సన్నపేట, గుసల గూడెం మండలాలకు చెందిన ముఖ్య నాయకులకు ఫోన్లు చేసి ఎమ్మెల్యే పనితీరును తెలుసుకున్నారు.
Madhavilatha: శ్రీవారికి జరిగిన అపచారానికి ప్రాయశ్చిత్తంగా మాధవీలత ఏం చేశారంటే..
నాయకులు, ప్రజల అభిప్రాయాలను అధిష్టానానికి టీడీపీ నేతలు వివరించనున్నారు. ఇటీవల కాలంలో ఎమ్మెల్యే తీరుపై కొందరు అసంతృప్తి వ్యక్తం చేస్తున్న నేపథ్యంలో పార్టీ ప్రజల అభిప్రాయాలను సేకరించినట్లు తెలుస్తోంది.
Kollu Ravindra: నోటికొచ్చినట్లు వాగితే.. పళ్లురాలిపోతాయ్.. జాగ్రత్త అంటూ పేర్నినానిపై ఫైర్
వివాదం ఏమిటి..?
తిరువూరు ఎమ్మెల్యే కొలికపూడి శ్రీనివాసరావు తనను అకారణంగా దుర్భాషలాడటమే కాకుండా, తనపైకి 20 మంది మనుషుల్ని దాడికి పంపారని, ఈ విషయం తెలుసుకున్న తన భార్య కవిత నిద్రమాత్రలు మింగి ఆత్మహత్యాయత్నానికి పాల్పడిందని ఎన్టీఆర్‌ జిల్లా తిరువూరు మండలం చిట్యాల సర్పంచ్ తుమ్మలపల్లి శ్రీనివాసరావు ఆరోపించారు. తిరువూరులో జరిగిన తాపీమేస్త్రుల సమావేశంలో ఎమ్మెల్యే సర్పంచ్ శ్రీనివాసరావు పేరు ప్రస్తావిస్తూ.. అనుచితంగా మాట్లాడారని, అంతేకాకుండా తనపై దాడికి యత్నించారని సర్పంచ్ శ్రీనివాసరావు ఆవేదన వ్యక్తం చేశారు. విషయం తెలియడంతో తన భార్య ఆత్మహత్యయత్నానికి పాల్పడిందని, ఆమెను మెరుగైన వైద్యం కోసం విజయవాడ ఆసుపత్రిలో చేర్పించినట్లు సర్పంచ్ తెలిపారు. చిట్యాల సర్పంచ్ తుమ్మలపల్లి శ్రీనివాసరావు భార్య కవిత తిరువూరు మండలం కోకిలంపాడు గ్రామంలో సచివాలయ వీఆర్వోగా పనిచేస్తోంది.
AP Govt: సచివాలయ ఉద్యోగుల సంఘం అధ్యక్షుడు వెంకట్రామిరెడ్డికి షోకాజ్ నోటీస్
మరిన్ని వార్తల కోసం ఇక్కడ క్లిక్ చేయండి..
Read More Latest Telugu News Click Here
