Two Pan Cards: ఒకే వ్యక్తి 2 పాన్ కార్డులు తీసుకోవచ్చా, తీసుకుంటే ఏమవుతుంది?
ABN , Publish Date - May 08 , 2024 | 01:27 PM
ఆర్థిక విషయాలకు సంబంధించిన ముఖ్యమైన పత్రాలలో పాన్ కార్డ్(pan card) ఒకటి. ఇది లేకుండా, ఒక వ్యక్తి ఎలాంటి బ్యాంకు లావాదేవీలు, రుణ దరఖాస్తు, ఆన్‌లైన్ చెల్లింపు, ఆదాయపు పన్ను రిటర్న్ దాఖలు సహా అనేక విషయాల్లో లావాదేవీలు చేయలేరు. కానీ చాలా మంది ఒకటి కంటే ఎక్కువ పాన్ కార్డులను పొందుతున్నారు. ఇలాంటి నేపథ్యంలో అలా తీసుకున్న వారిపై ఎలాంటి చర్యలు తీసుకుంటారు, ఏదైనా ఫైన్ ఉంటుందా అనే విషయాలను ఇప్పుడు చుద్దాం.
దేశంలో ఆర్థిక విషయాలకు సంబంధించిన ముఖ్యమైన పత్రాలలో పాన్ కార్డ్(pan card) ఒకటి. ఇది లేకుండా ఒక వ్యక్తి ఎలాంటి బ్యాంకు లావాదేవీలు, రుణ దరఖాస్తు, ఆన్‌లైన్ చెల్లింపు, ఆదాయపు పన్ను రిటర్న్ దాఖలు సహా అనేక విషయాల్లో లావాదేవీలు చేయలేరు. ఇది కాకుండా భారత్‌(bharat)లో పాన్ కార్డు గుర్తింపు రుజువుగా కూడా ఉపయోగించబడుతుంది. ఇది 10 అంకెల విశిష్ట ఆల్ఫాన్యూమరిక్ నంబర్‌తో ఆదాయపు పన్ను శాఖ ద్వారా జారీ చేయబడింది. అయితే దీనిని దేశంలో ప్రతి వ్యక్తికి ఒకటి మాత్రమే జారీ చేస్తారు.
కానీ చాలా మంది ఒకటి కంటే ఎక్కువ పాన్ కార్డులను పొందుతున్నారు. అడ్రస్ లేదా ఫోన్ నంబర్ వంటి పలు అంశాలను మార్చి రెండోది తీసుకుంటారు. ఇలాంటి పరిస్థితుల్లో భారతదేశంలో(india) ఒకటి కంటే ఎక్కువ పాన్ కార్డులను పొందవచ్చా. పొందితే ఎలాంటి చర్యలు తీసుకుంటారు. ఆదాయపు పన్ను చట్టం కింద దీనికి సంబంధించిన నియమాలు ఏమిటి, ఏదైనా జరిమానా విధించబడిందా? అనే ప్రశ్నలకు సమాధానం ఇక్కడ చుద్దాం.
చట్టపరమైన చర్యలు
పాన్ కార్డు(pan card)కు ఒక ప్రత్యేకమైన విశిష్ట గుర్తింపు సంఖ్య ఉంటుంది. దేశంలో ఒక వ్యక్తి పేరు మీద ఉన్న ప్రతి వ్యక్తికి ఒక పాన్ కార్డ్ మాత్రమే జారీ చేయబడుతుంది. అలాగే ఇది బదిలీ చేయబడదు. ఆదాయపు పన్ను శాఖ ప్రకారం ప్రతి వ్యక్తికి ఒక పాన్ నంబర్ మాత్రమే ఉండాలి. ఒక వ్యక్తి లేదా కంపెనీ ఒకటి కంటే ఎక్కువ పాన్ నంబర్లను కలిగి ఉండటం చట్టవిరుద్ధం. ఒక వేళ ఒకటి కంటే ఎక్కువ తీసుకుంటే ఆదాయపు పన్ను శాఖ చట్టపరమైన చర్యలు తీసుకోవచ్చు లేదా ఆర్థిక జరిమానా కూడా విధిస్తారు.
జరిమానా ఎంత?
ఒక వ్యక్తి ఒకటి కంటే ఎక్కువ పాన్ కార్డులను కలిగి ఉంటే ఆదాయపు పన్ను చట్టం(it act 1961) 1961లోని సెక్షన్ 272B ప్రకారం చర్యలు తీసుకుంటారు. ఈ సెక్షన్ ప్రకారం ఒకటి కంటే ఎక్కువ పాన్ కార్డులు కలిగి ఉన్న వ్యక్తికి రూ.10,000 జరిమానా విధించవచ్చు. అంతేకాదు ఒకటి కంటే ఎక్కువ పాన్ కార్డులు ఉన్నట్లయితే ఆ వ్యక్తి రెండవ పాన్ కార్డును సరెండర్ చేయాలి.
ఎలా సరెండర్ చేయాలి (pan card surrender process)
పాన్ కార్డ్‌ని సరెండర్ చేయడానికి, ఆన్‌లైన్ లేదా ఆఫ్‌లైన్ మోడ్ రెండింటినీ ఎంచుకోవచ్చు. ప్రక్రియ క్రింది విధంగా ఉంటుంది
ఆన్‌లైన్ సరెండర్ ప్రక్రియ:
ఆన్‌లైన్‌లో పాన్ కార్డ్‌ని సరెండర్ చేయడానికి, మీరు క్రింద ఇవ్వబడిన స్టెప్స్ పాటించాలి
స్టెప్ 1: ఆన్‌లైన్‌లో సరెండర్ చేయడానికి, ఆదాయపు పన్ను శాఖ ఆన్‌లైన్ పోర్టల్‌ని సందర్శించండి లేదా https://www.tin-nsdl.com/faqs/pan/faq-pan-cancellation.htmlపై క్లిక్ చేయండి.
స్టెప్ 2: ఫారమ్ ఎగువన మీరు ప్రస్తుతం ఉపయోగిస్తున్న పాన్‌ను పేర్కొనడం ద్వారా పాన్ మార్పు అభ్యర్థన దరఖాస్తు ఫారమ్‌ను సమర్పించండి
స్టెప్ 3: ఫారమ్‌తో పాటు ఫారమ్ 11, సంబంధిత పాన్ కార్డ్ కాపీని కూడా సమర్పించాలి
ఆఫ్‌లైన్ సరెండర్ ప్రక్రియ:
స్టెప్ 1: ఆఫ్‌లైన్‌లో పాన్‌ను సరెండర్ చేయడానికి ఫారమ్ 49A పూరించండి. సరెండర్ చేయాల్సిన పాన్ నంబర్‌ను కూడా పేర్కొనండి. ఫారమ్‌ను UTI లేదా NSDL TIN ఫెసిలిటేషన్ సెంటర్‌కు వెళ్లి సమర్పించవచ్చు.
స్టెప్ 2: మీ పాన్ కార్డ్‌లో పూర్తి పేరు, పుట్టిన తేదీ వంటి మీ వ్యక్తిగత వివరాలను పేర్కొంటూ మీ అధికార పరిధిలోని అసెస్సింగ్ అధికారికి లేఖ రాయండి. మీరు www.incometaxindiaefiling.gov.inలో మీ అధికార పరిధిలోని అధికారిని గుర్తించవచ్చు.
స్టెప్ 3: NSDL TIN ఫెసిలిటేషన్ సెంటర్ నుంచి తీసుకున్న రసీదు కాపీతో పాటు డూప్లికేట్ PAN కాపీని జత చేసి సమర్పించాలి.
ఇది కూడా చదవండి:
Gold and Silver Rates: పసిడి ప్రియులకు షాక్..మళ్లీ పెరిగిన బంగారం, వెండి
IRCTC: 8 రోజులు, 7 రాత్రుల స్పెషల్ టూర్ ప్యాకేజీ.. శ్రీకృష్ణుడి ద్వారకా నగరం సహా ఇవి కూడా
Read Latest Business News and Telugu News
