Delhi police: 12 రోజుల తర్వాత తగ్గిన ఉద్రిక్తత.. ఢిల్లీ సింగు, తిక్రి సరిహద్దులు తిరిగి ప్రారంభం

రైతులు 'ఢిల్లీ మార్చ్(Delhi March)'ని ఫిబ్రవరి 29 వరకు వాయిదా వేసిన నేపంథ్యంలో పోలీసులు ఢిల్లీ(Delhi police)లోని వివిధ సరిహద్దులలో బారికేడ్లును తొలగించారు. సింగు(Singhu), తిక్రీ(Tikri), సరిహద్దుల్లో ట్రాఫిక్ ఆంక్షలు సడలించారు. రెండు చోట్లా ఢిల్లీ నుంచి హర్యానా వెళ్లేందుకు, అక్కడి నుంచి వచ్చేందుకు లైన్లను తెరిచారు. మరోవైపు ఘాజీపూర్ సరిహద్దులో కూడా పోలీసులు అనేక బారికేడ్లను తొలగించారు. దీని కారణంగా ట్రాఫిక్ జామ్ సమస్య తగ్గింది.

ఫిబ్రవరి 29 వరకు రైతులు(farmers) ఢిల్లీకి పాదయాత్ర చేయనందున ఈ చర్య తీసుకున్నారు. దీని కారణంగా సరిహద్దు నుంచి ఢిల్లీకి వచ్చే ప్రజలకు గొప్ప ఉపశమనం లభించింది. శనివారం ఢిల్లీ సరిహద్దు ప్రాంతాల్లోనే కాకుండా అంతర్గత రహదారులపై కూడా జనం ట్రాఫిక్ జామ్‌లను ఎదుర్కోలేదు. అదే సమయంలో కొన్ని చోట్ల బారికేడ్లను పూర్తిగా తొలగించలేదు. దీని కారణంగా ప్రజలు అక్కడ ట్రాఫిక్ జామ్‌లను ఎదుర్కొంటున్నారు.

గత 10 రోజులుగా దక్షిణాది నుంచి న్యూఢిల్లీలోకి ప్రవేశించే న్యూ మోతీ బాగ్ రహదారిపై పోలీసులు(police) బారికేడ్లు వేశారు. కట్టుదిట్టమైన భద్రతా ఏర్పాట్లు చేశారు. అయితే రైతులు ఫిబ్రవరి 29 వరకు ఢిల్లీకి తమ పాదయాత్రను వాయిదా వేయడంతో పోలీసులు శనివారం బారికేడ్లను తొలగించారు. దీంతో ఆ మార్గం సుగమమై డ్రైవర్లకు ఎంతో ఊరటనిచ్చింది. సాధారణ రోజుల మాదిరిగానే ట్రాఫిక్‌ ఉంది. గత రోజులుగా ఆ ప్రదేశంలో ప్రజలు ట్రాఫిక్ జామ్‌ను ఎదుర్కొంటుండగా శనివారం, ఆదివారం వాహనాలు సులభంగా ప్రయాణిస్తున్నాయి. అయితే కొన్ని చోట్ల మాత్రం ఇంకా బారికేడ్లను పూర్తిగా తొలగించలేదు. వాటిని తొలగిస్తారా లేదా అనేది తెలియాల్సి ఉంది.

మరిన్ని తాజా వార్తల కోసం ఇక్కడ క్లిక్ చేయండి: Narendra Modi: నేడు ప్రధాని మోదీచే సుదర్శన్ సేతు వంతెన, ఐదు కొత్త ఎయిమ్స్‌లు ప్రారంభం