Congress: లోక్‌సభ ఎన్నికల నేపథ్యంలో కాంగ్రెస్ పార్టీకి షాక్..కీలక నేత రాజీనామా
ABN , Publish Date - Apr 28 , 2024 | 11:23 AM
లోక్‌సభ 2024 ఎన్నికలకు(lok sabha election 2024) ముందే కాంగ్రెస్‌కు గట్టి షాక్ తగిలింది. ఢిల్లీ కాంగ్రెస్ చీఫ్(Delhi Congress president) అరవిందర్ సింగ్ లవ్లీ(Arvinder Singh Lovely) తన పదవికి రాజీనామా చేశారు. పార్టీ అధికారులు ఆదివారం ఈ మేరకు వెల్లడించారు.
లోక్‌సభ 2024 ఎన్నికలకు(lok sabha election 2024) ముందే కాంగ్రెస్‌కు గట్టి షాక్ తగిలింది. ఢిల్లీ కాంగ్రెస్ చీఫ్(Delhi Congress president) అరవిందర్ సింగ్ లవ్లీ(Arvinder Singh Lovely) తన పదవికి రాజీనామా చేశారు. పార్టీ అధికారులు ఆదివారం ఈ మేరకు వెల్లడించారు. లవ్లీ తన రాజీనామాను కాంగ్రెస్ అధ్యక్షుడు మల్లికార్జున్ ఖర్గేకు పంపారు. తన రాజీనామాలో తనకు నచ్చని అనేక విషయాలను ప్రస్తావించారు. కాంగ్రెస్ అవినీతికి పాల్పడిందని ఆమ్ ఆద్మీ పార్టీ ఆరోపించినప్పటికీ పార్టీ వారితో (ఇండియా బ్లాక్) పొత్తు పెట్టుకుందని కాంగ్రెస్ జాతీయ అధ్యక్షుడు మల్లికార్జున్ ఖర్గేకు రాసిన లేఖలో లవ్లీ పేర్కొన్నారు. ఆమ్ ఆద్మీ పార్టీలో సగం మంది కేబినెట్ మంత్రులు అవినీతి ఆరోపణలపై ప్రస్తుతం జైలులో ఉన్నారని గుర్తు చేశారు. లవ్లీ ఆగస్టు 2023లో ఈ పదవికి నియమించబడ్డారు.
ఆయన కాంగ్రెస్‌కు(congress) రాజీనామా చేయడానికి అనేక కారణాలున్నాయి. వాటిలో కాంగ్రెస్ ఈశాన్య ఢిల్లీ నుంచి కన్హయ్య కుమార్‌ను బరిలోకి దించగా, వాయువ్య ఢిల్లీ నుంచి ఉదిత్‌రాజ్‌కు కాంగ్రెస్ టికెట్ ఇవ్వడం కూడా ఓ కారణం. అరవిందర్ సింగ్ లవ్లీ రాజీనామాకు ఢిల్లీ కాంగ్రెస్ ఇన్‌ఛార్జ్ దీపక్ బవారియాపై ఉన్న ఆగ్రహం కూడా ప్రధాన కారణమని చెప్పవచ్చు. ఇటీవల దీపక్ బవారియా సమావేశంలో కన్హయ్య కుమార్‌కు టికెట్ ఇవ్వడాన్ని సందీప్ దీక్షిత్ వ్యతిరేకించారు. దీని తర్వాత ఉదిత్ రాజ్ విషయంలో మాజీ మంత్రి రాజ్ కుమార్ చౌహాన్ సమావేశంలో నిరసన వ్యక్తం చేశారు. దీని తరువాత రాజ్‌కుమార్ చౌహాన్ రాజీనామా చేశారు.
ఢిల్లీ కాంగ్రెస్( Delhi Congress) సీనియర్ నేతలు తీసుకున్న ఏకగ్రీవ నిర్ణయాలన్నింటినీ ఏఐసీసీ ప్రధాన కార్యదర్శి (ఢిల్లీ ఇన్‌ఛార్జ్) ఏకపక్షంగా అంగీకరించారని లవ్లీ అన్నారు. "నేను డీపీసీసీ అధ్యక్షుడిగా నియమితులైనప్పటి నుంచి ఏఐసీసీ ప్రధాన కార్యదర్శి (ఢిల్లీ ఇన్‌చార్జి) డీపీసీసీలో ఎటువంటి నియామకం చేయడానికి తనకు అనుమతించలేదన్నారు. డీపీసీసీ మీడియా చీఫ్‌గా అనుభవజ్ఞుడైన నాయకుడిని నియమించాలని నా అభ్యర్థన అని పేర్కొన్నారు. AICC ప్రధాన కార్యదర్శి (ఢిల్లీ ఇన్‌చార్జి) నగరంలోని అన్ని బ్లాక్‌ల అధ్యక్షులను నియమించడానికి DPCCని అనుమతించలేదు, దీని ఫలితంగా ప్రస్తుతం ఢిల్లీలోని 150 బ్లాకులకు పైగా బ్లాక్‌ల అధ్యక్షులు లేరని వెల్లడించారు.
ఇది కూడా చదవండి:
Congress: లోక్‌సభ ఎన్నికల నేపథ్యంలో కాంగ్రెస్ పార్టీకి షాక్..కీలక నేత రాజీనామా
CWC: కరవుతో అల్లాడుతున్న దక్షిణ భారతం.. సీడబ్ల్యూసీ నివేదికలో విస్తుపోయే విషయాలు
Read Latest National News and Telugu News
