Delhi : కేంద్రం, రాష్ట్రాల మధ్య వారధిగా ఈ ఆఫీస్‌!
ABN , Publish Date - Jul 12 , 2024 | 03:19 AM
ఒక రాష్ట్రం నుంచి ఏదైనా ఫైలు కేంద్రానికి వచ్చిందంటే ఆ పని ఎప్పుడు పూర్తవుతుందో తెలియదు! ఆ ఫైలు ఎక్కడుందో? ఏ శాఖలో ఉందో?
వేగంగా అనుమతుల మంజూరుకు మార్గం
న్యూఢిల్లీ, జూలై 11 (ఆంధ్రజ్యోతి): ఒక రాష్ట్రం నుంచి ఏదైనా ఫైలు కేంద్రానికి వచ్చిందంటే ఆ పని ఎప్పుడు పూర్తవుతుందో తెలియదు! ఆ ఫైలు ఎక్కడుందో? ఏ శాఖలో ఉందో? అంతుచిక్కదు. ఆయా రాష్ట్రాల అధికారులు ఢిల్లీ చుట్టూ ప్రదక్షిణలు చేయాల్సిందే. దీనికి ‘ఈ-ఆఫీస్‌’తో చెక్‌ పెట్టాలని భావిస్తోంది కేంద్రం. మోదీ 3.0 ప్రభుత్వం వంద రోజుల ఎజెండాలోని ప్రధానమైన వాటిలో ఈ-ఆఫీస్‌ కూడా ఒకటి.
తొలుత కేంద్ర ప్రభుత్వ కార్యాలయాల్లో అమలుకు కార్యాచరణ సిద్ధం చేసింది. అందులో భాగంగా ఎంపికచేసిన 133 కార్యాలయాల్లో వంద రోజుల్లో ఈ-ఆఫీస్‌ అమలు చేయాలని ఆదేశించింది. అయితే కొన్ని రాష్ట్రాలు కేంద్రం నిర్ణయాన్ని వ్యతిరేకిస్తున్నాయి. ఈ-ఆఫీస్‌ ద్వారా రాష్ట్రాల సమాచారాన్ని కేంద్రం పర్యవేక్షిస్తుందనే భయం నెలకొంది. అది సమాఖ్య స్ఫూర్తికి విఘాతం కలిగిస్తుందని భావిస్తున్నాయి.
