Supreme Court : గ్రామ న్యాయాలయాల ఏర్పాటులో జాప్యమా?
ABN , Publish Date - Jul 13 , 2024 | 03:04 AM
ప్రజలందరికీ న్యాయ వ్యవస్థను అందుబాటులోకి తెచ్చేందుకు ఉద్దేశించిన గ్రామ న్యాయాలయాల ఏర్పాటు అత్యవసరమని సుప్రీంకోర్టు అభిప్రాయపడింది.
6 వారాల్లో సమాధానం ఇవ్వండి: సుప్రీం
న్యూఢిల్లీ, జూలై 12: ప్రజలందరికీ న్యాయ వ్యవస్థను అందుబాటులోకి తెచ్చేందుకు ఉద్దేశించిన గ్రామ న్యాయాలయాల ఏర్పాటు అత్యవసరమని సుప్రీంకోర్టు అభిప్రాయపడింది. సత్వరమే న్యాయం అందించేందుకు, కేసుల పెండింగ్‌ను తగ్గించేందుకు వీటిని ఏర్పాటు చేయాల్సి ఉందని తెలిపింది. ఈ విషయమై ఇంతవరకు ఎలాంటి చర్యలు తీసుకున్నారో ఆరు వారాల్లో సమాఽధానం ఇవ్వాలని అన్ని రాష్ట్రాల ప్రభుత్వ ప్రధాన కార్యదర్శులు, హైకోర్టుల రిజిస్ట్రార్‌ జనరళ్లను ధర్మాసనం ఆదేశించింది. కేంద్ర ప్రభుత్వం 2008లో గ్రామ న్యాయాలయాల చట్టాన్ని తీసుకువచ్చింది. అయితే ఈ చట్టాన్ని అమలు చేయడం లేదంటూ 2019లో నేషనల్‌ ఫెడరేషన్‌ ఆఫ్‌ సొసైటీస్‌ ఫర్‌ ఫాస్ట్‌ జస్టిస్‌ అనే స్వచ్ఛంద సంస్థ పిల్‌ దాఖలు చేసింది.
