Uday Bhanu Chib: ఇండియన్‌ యూత్‌ కాంగ్రెస్‌ అధ్యక్షుడిగా చిబ్‌

న్యూఢిల్లీ/కోల్‌కతా, సెప్టెంబరు 22: ఇండియన్‌ యూత్‌ కాంగ్రెస్‌ (ఐవైసీ) నూతన అధ్యక్షుడిగా ఉదయ్‌ భాను చిబ్‌ను కాంగ్రెస్‌ అధ్యక్షుడు మల్లికార్జున ఖర్గే ఆదివారం నియమించారు. ఈయన నియామకం తక్షణమే అమల్లోకి వస్తుంది. ఐవైసీ అధ్యక్షుడిగా ఉన్న శ్రీనివాస్‌ బీవీ స్థానంలో ఉదయ్‌ భాను చిబ్‌ నియామకం జరిగినట్టు పార్టీ ఓ ప్రకటనలో పేర్కొంది.

ప్రస్తుతం ఐవైసీ జనరల్‌ సెక్రటరీగా ఉన్న చిబ్‌ ఇంతకు ముందు జమ్మూకశ్మీర్‌ ప్రదేశ్‌ యూత్‌ కాంగ్రెస్‌ అధ్యక్షుడిగా పని చేశారు. జమ్మూకు చెందిన చిబ్‌.. కాంగ్రెస్‌ నేత హరి సింగ్‌ చిబ్‌ కుమారుడు. మరోవైపు పశ్చిమబెంగాల్‌ ప్రదేశ్‌ కాంగ్రెస్‌ కమిటీ (పీసీసీ) నూతన అధ్యక్షుడిగా సుభాంకర్‌ సర్కార్‌ను ఖర్గే శనివారం నియమించారు.