Amrapali: కూకట్‌పల్లిలో ఆమ్రపాలి ఆకస్మిక పర్యటన

హైదరాబాద్: జీహెచ్ఎంసీ కమిషనర్ ఆమ్రపాలి మంగళవారం కూకట్‌పల్లిలోని పలు ప్రాంతాల్లో ఆకస్మికంగా పర్యటించారు. మైసమ్మ చెరువు, ఐడిఎల్ చెరువు, సర్దార్ నగర్‌లో వరద ముంపు ప్రాంతాలను ఆమె పరిశీలించారు. సర్దార్ నగర్ వరద ముంపుకు గురైన స్థానికులతో కమిషనర్ ఆమ్రపాలి మాట్లాడారు. వారి సమస్యలను అడిగి తెలుసుకున్నారు. వరద ముంపు కాకుండా నాలా పనులను చేపట్టేందుకు చర్యలు తీసుకోవాలని జోనల్ కమిషనర్‌కు ఆదేశాలిచ్చారు. అలాగే రైతు బజార్, జెఎన్‌టియు, మూసాపేట్, భరత్‌నగర్‌లో పౌర సంఘం పారిశుద్ధ్య చర్యల స్థితిని ఆమ్రపాలి తనిఖీ చేశారు.