Viral Video: ఇది బర్త్ డే కేకా లేక ఏటీఎం మిషనా?.. ఇలా వస్తున్నాయేంటి..

ఇంటర్నెట్ డెస్క్: ప్రస్తుత సమాజంలో పుట్టిన రోజులు జరుపుకునే తీరు పూర్తిగా మారిపోయింది. ఒకప్పుడు ఉదయాన్నే లేచి కాలకృత్యాలు తీర్చుకుని, కొత్త బట్టలు వేసుకుని, దేవుడి దర్శనం చేసుకునేవారు. అనంతరం పాయసం చేసి కుటుంబసభ్యులకు తినిపించేవారు. తర్వాతి కాలంలో బ్రిటిష్ వాల్ల పుణ్యమా అని కేకుల సంస్కృతి వచ్చింది. బర్త్ డే అంటే కేకు కట్ చేయాల్సిందే. అలాంటి బర్త్ డే వేడుకల వీడియోలు సోషల్ మీడియాలో అనేకం దర్శనమిస్తుంటాయి. వివిధ రకాలుగా సెలబ్రేట్ చేసుకోవడం ప్రస్తుతం ట్రెండ్‌గా మారిపోయింది. తాజాగా అలాంటి వీడియో ఒకటి నెట్టింట చక్కర్లు కొడుతోంది. ఏకంగా రూ.5 లక్షల మంది వీడియోను వీక్షించి ఆశ్చర్యం వ్యక్తం చేశారు.

వీడియోలో కనిపిస్తున్న దాని ప్రకారం.. నీలం రంగు దుస్తులు ధరించిన ఓ యువతి తన పుట్టిన రోజు వేడుక సందర్భంగా కేకు ముందు నిలుచుని ఉంది. ఆమె చుట్టూ చాలా మంది వ్యక్తులు నిలుచుని ఉన్నారు. కేకు మధ్యలో ఓ వృత్తాకారపు రింగు అమర్చి ఉంది. అయితే కేకు కట్ చేయడానికి ముందు వారంతా ఆమెను రింగు పట్టుకుని లాగమని చెబుతారు. దాని ప్రకారం ఆమె కూడా దాన్ని పట్టుకుని లాగుతుంది. దీంతో లోపల నుంచి వచ్చిన దాన్ని చూసి యువతి ఒక్కసారిగా షాక్‌కు గురవుతుంది. కేకు లోపల నుంచి ఒక రూ.500ల నోటు వస్తుంది. దానికి కేక్ అంటకుండా ఓ తెల్లటి ప్లాస్టిక్ కవర్‌లో పెట్టి ఉంది. ఇందులో ప్రత్యేకత ఏముంది అనుకుంటున్నారా? అక్కడే ఉంది మరి. అలా లాగే కొద్దీ పదుల సంఖ్యలో నోట్లు వస్తూనే ఉన్నాయి. దీంతో యువతి ఒక్కసారిగా ఆశ్చర్చానికి లోనవుతుంది.

అలా లాగే కొద్దీ రూ.500ల నోట్లు రావడంతో యువతి ఇచ్చే ఎక్స్‌ప్రెషన్లు ఒక రేంజ్‌లో ఉన్నాయి. ఆమె హావభావాలు నెటిజన్లను కట్టిపడేస్తున్నాయి. తమ స్నేహితులు తనపై కురిపిస్తున్న ప్రేమ చూసి యువతి తీవ్ర భావోద్వేగానికి గురవుతుంది. అన్ని నోట్లను అలా అమర్చడం చూసి చాలా సంబర పడిపోతుంది. ఇది జరుగుతున్నంత సేపు యువతి, ఆమె స్నేహితులంతా నవ్వులు పూయించారు. అలా ఎంత సేపు లాగుతున్నా నోట్లు రావడం మాత్రం ఆగవు. దీంతో కాసేపు ఆమెకు ఏం జరుగుతుందో అర్థం కాక అయోమయానికి గురవుతుంది. ఆ తర్వాత కాసేపటికి నోట్లు రావడం పూర్తవుతుంది. దీంతో యువతి హమ్మయ్య అనుకుంటుంది. అనంతరం అక్కడున్న వారంతా చప్పట్లు కొడుతుండగా.. బయటకు వచ్చిన రూ.500ల నోట్లను దండగా మార్చి స్నేహితులు యువతి మెడలో వేస్తారు. బర్త్ డే సందర్భంగా తామిచ్చే గిఫ్ట్ ఇదే అన్నట్లుగా ఆ నగదును ఆమెకు ఇచ్చేస్తారు. దీంతో యువతి తెగ సంబర పడిపోతుంది.

ఈ వీడియో కాస్త నెట్టింట వైరల్‌గా మారింది. ఇప్పటివరకూ అర మిలియన్ వ్యూస్‌ని సొంతం చేసుకుంది. నెటిజన్లు సైతం తమ అభిప్రాయాలను కామెంట్ల రూపంలో వ్యక్త పరిచారు. " అది కేకా లేక ఏటీఎం మిషనా?.. ఇలాంటి పుట్టిన రోజు నాకూ ఎవరైనా చేస్తే బావుండు.. నోట్లను లెక్కించి అలసిపోయాం కాస్త టీ ఇస్తారా?.. నాకైతే ఎవరూ చిన్న గిఫ్ట్ కూడా ఇవ్వరు, నోట్లను లాగుతూ అమ్మాయి చాలా అలసిపోయింది" అంటూ వివిధ రకాలుగా స్పందిస్తూ కామెంట్లు చేస్తున్నారు. అయితే బయటకు వచ్చిన మెుత్తం రూ.500 నోట్లను వీక్షకులు లెక్కించారు. కేకు నుంచి దాదాపు 29 నుంచి 30 వరకు వచ్చాయని, వీటి మొత్తం విలువ రూ.15వేలకు వరకూ ఉంటుందని వెల్లడించారు.