Viral Video: సమోసా దుకాణంలో పేలిన గ్యాస్ సిలిండర్..ఆరుగురికి గాయాలు, 2 దుకాణాలు దగ్ధం
ABN , Publish Date - May 31 , 2024 | 09:34 AM
ఒక సమోసా దుకాణం(samosa shop)లో ఆకస్మాత్తుగా గ్యాస్ సిలిండర్(gas cylinder) పేలింది. ఆ క్రమంలో పెద్ద ఎత్తున మంటలు చెలరేగగా, ఈ ప్రమాదంలో ఆరుగురు గాయపడ్డారు. దీంతోపాటు సమీపంలోని ఉన్న రెండు దుకాణాలు కూడా దగ్ధమయ్యాయి.
ఒక సమోసా దుకాణం(samosa shop)లో ఆకస్మాత్తుగా గ్యాస్ సిలిండర్(gas cylinder) పేలింది. ఆ క్రమంలో పెద్ద ఎత్తున మంటలు చెలరేగగా, ఈ ప్రమాదంలో ఆరుగురు గాయపడ్డారు. దీంతోపాటు సమీపంలోని ఉన్న రెండు దుకాణాలు కూడా దగ్ధమయ్యాయి. ఈ ఘటన తమిళనాడు(Tamil Nadu)లోని తిరునెల్వేలి(Tirunelveli)లో గురువారం చోటుచేసుకుంది. ఈ ప్రమాదంలో అక్కడ ఉన్న ఉద్యోగులు అదృష్టవశాత్తూ ప్రాణాలతో బయటపడగా, ఆరుగురు గాయపడ్డారు. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలను అదుపులోకి తీసుకొచ్చారు.
ఈ ఘటనపై తిరునల్వేలి టౌన్ పోలీసులు(police) కేసు నమోదు చేసి దర్యాప్తు చేస్తున్నారు. అలాగే తిరునెల్వేలిలో రద్దీగా ఉండే ప్రాంతంలో సమోసా దుకాణంలో సిలిండర్ పేలడంతో ఆ ప్రాంతంలో విషాదం నెలకొంది. తిరునెల్వేలి పట్టణంలో నెల్లయపర్ ఆలయం చుట్టూ అనేక దుకాణాలు, వాణిజ్య సంస్థలు ఉన్నాయి. అందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. వీడియోలో గ్యాస్ సిలిండర్ పేలిన(gas cylinder blast) తర్వాత భారీగా మంటలు చెలరేగడం, పొగలు వ్యాపించడం కనిపిస్తుంది. ఆ క్రమంలో సమీపంలో ఉన్నవారు ఎగిరిపడిన దృశ్యాలు కూడా కనిపిస్తున్నాయి.
ఇది కూడా చదవండి:
Alert: వీటికి నేడే లాస్ట్ డేట్.. లేదంటే ఫైన్ కట్టాల్సిందే
Credit Card: క్రెడిట్ కార్డు వాడుతున్నారా..ఈ మోసాల పట్ల జాగ్రత్త
