Forum for Regulators: 28 నుంచి ఫోరం ఫర్‌ రెగ్యులేటర్స్‌ భేటీ
ABN , Publish Date - Jul 12 , 2024 | 03:19 AM
ఈనెల 28వ తేదీ నుంచి హైదరాబాద్‌లో మూడ్రోజుల పాటు ఫోరం ఫర్‌ రెగ్యులేటర్స్‌ సమావేశం జరగనుంది.
హైదరాబాద్‌లో మూడ్రోజుల పాటు..
హైదరాబాద్‌, జూలై 11 (ఆంధ్రజ్యోతి): ఈనెల 28వ తేదీ నుంచి హైదరాబాద్‌లో మూడ్రోజుల పాటు ఫోరం ఫర్‌ రెగ్యులేటర్స్‌ సమావేశం జరగనుంది. కేంద్ర విద్యుత్‌ నియంత్రణ మండలి (సీఈఆర్సీ) ఛైర్మన్‌ నేతృత్వంలో ఉండే రెగ్యులేటర్స్‌లో దేశవ్యాప్తంగా 30 రాష్ట్రాలు/కేంద్ర పాలిత ప్రాంతాలకు చెందిన ఈఆర్సీ ఛైర్మన్లు సభ్యులుగా ఉన్నారు. కమిషన్ల పనితీరు, రాష్ట్రాల్లో విద్యుత్‌ పంపిణీ సంస్థ (డిస్కం) ఏఆర్‌ఆర్‌ (వార్షిక ఆదాయ అవసరాలు), టారిఫ్‌ ట్రాన్స్‌మిషన్‌ ప్రణాళిక, మల్టీ ఇయర్‌ టారిఫ్‌, టారిఫ్‌ ఆర్డర్లపై ఈ భేటీలో చర్చించే అవకాశముంది. కాగా, గత పదేళ్లలో తొలిసారి తెలంగాణ విద్యుత్‌ నియంత్రణ మండలి (టీఈఆర్సీ) ఈ భేటీకి ఆతిథ్యం ఇస్తోంది.
